It(em) sulle(n) de vors(creven) schoutbrief en(de) beleitbrief ond(er) tscepen(en) bliven/ liggen(de) der vors(creven) joffr(ouwe) lijsbetthe(n) leefdage lang due(re)nde sond(er) den ge/ leide(n) dae(re)n bi(n)ne(n) [in p(re)judijs d(er) tocht va(n) lijsbethe(n) vors(creven)] mette(n) selve(n) beleide te moge(n) behulpe(n) oft te werke(n)/ in enig(er) manie(re)n ende nae de doot d(er) selv(er) joffr(ouwe) lijsbetthe(n) hem die/dan gegeve(n) te worde(n) o(m)me d(aer)mede aende selve goede have en(de)/ erve tierst afgetoge(n) en(de) betaelt sijnde huer exequie(n) en(de) d(er) kerken/ recht te v(er)halene de vijftich rijd(er)s vors(creven) en(de) niet meer en(de)/ tsurpl(us) vande(n) and(ere)n goede(n) have en(de) erve op datt(er) enich sij/ te blive(n) en(de) te volgene d(aer) dat mette(n) lantrechte sculd(ich) sij [es] te/ gane oft gelijc de vors(creven) joffr(ouw) lijsbeth d(aer) af met testame(n)te met/ gifte(n) oft and(er)ssins sal dispone(re)n oft ordine(re)n nae huer geliefte/ cor(am) eisd(em)