Ter meerd(er) vestich(eit) d(er) vors(creven) waelrave(n) inde(n) name va(n) huer selve(n) en(de) inde(n)/ name h(er) willems vors(creven) o(m)me hen nae inhout des briefs vors(creven) voldae(n) te/ worde(n)ne en(de) oec t(er) vestich(eit) gheerts va(n) hoeye en(de) henrix vasont vors(creven)/ borge(n) des vors(creven) jans va(n) hoeye o(m)me hen en(de) elke(n) va(n) hen scadeloes/ onthave(n) te worde(n) Soe sijn bij hande(n) jans roelofs vorst(er)s te lov(en) geset/ in hande(n) waelrave(n) vors(creven) tot behoef als voe(r) ierst tot behoef van/ huer selve(n) en(de) tot behoef d(er) borghe(n) vors(creven) iii silve(re)n scale(n) en(de) vi silve(re)n/ lepele tsame(n) wegende iii marct ii(½) yngelssche Tot dien eynde ge/ buerdet den vors(creven) he(re)n wille(m)me en(de) waelrave(n) in toecomen(de) tijden/ ind(er) betali(n)gen vand(er) vors(creven) lijfre(n)ten oft bewisenisse d(er) selv(er) enich gebrec/ te hebben(e) soe sulle(n) sij oft enich va(n) hen huer gebrec aende vors(creven)/ juwele(n) v(er)hale(n) en(de) die v(er)coepe(n) voe(r) alsulke(n) prijs als enich goutsmet/ oft juwelier ind(er) stat va(n) lov(en) d(aer) voe(r) sal wille(n) geve(n) oft die met/ geswoe(re)n scatt(er)s ten hoeghste(n) v(er)coepe(n) en(de) d(aer) mede gestae(n) sond(er) de(n) vors(creven)/ ja(n)ne van hoeye oft yeman(de) and(er)s meer oft voerd(er) v(er)antw(er)de(n) rekeni(n)ge/ oft restitucie te doene in enig(er) manie(re)n En(de) oft d(aer) ov(er)scoete dat soude(n)/ sij ja(n)ne va(n) hoeye wed(er)o(m)me kere(n) en(de) oft daer gebrake dat soude(n)/ sij mette(n) scepen(en) brieve vors(creven) v(er)hale(n) aende p(er)soene en(de) huer goede/ inde(n) vors(creven) scepen(en) brieve begrepe(n) Behoud(elijc) dat h(er) wille(m) en(de) waelrave/ hen mette(n) scepen(en) brieve vors(creven) sulle(n) moge(n) behulpe(n) op tvors(creven) silv(er)/ oft opde p(er)soene en(de) huer goede inde(n) brieve begrepe(n) dwelc va(n)/ beide(n) hen beste gelieve(n) sal En(de) oft [sij] va(n) ja(n)ne va(n) hoeye oft sijnen/ goeden and(er)s dan met v(er)coepene des silvers vors(creven) v(er)nuecht worde(n)/ soe heeft de vors(creven) waelrave geloeft den vors(creven) ja(n)ne va(n) hoeye tvors(creven)/ silv(er) wed(er)o(m)me te leve(re)n Behoud(elijc) oft sij vande(n) borghe(n) vors(creven) iet met/ rechte v(er)haelde oft dat de borghe(n) oft enich va(n) hen scade lede va(n)d(er)/ borchtochte(n) vors(creven) dat waelrave dan huer v(er)nueght sijnde tvoirscr(even)/ silv(er) ov(er)leve(re)n sal in handen d(er) selv(er) borghe(n) o(m)me hen d(aer) aen scadeloes/ tontheffe(n)ne Totden welke(n) de vors(creven) ja(n) va(n) hoeye sijne(n) wille en(de) (con)sent/ gedragen heeft en(de) d(aer) mede sal waelrave gestaen cor(am) eisd(em)