It(em) bartholomeus meersman zone peet(er)s meersman out xxi jaire(n) ende jan die/ langhe zone gheerts slanghen out sijnde xxii jaren oft dair omtrent beyde/ wonen(de) te gheersb(er)ghen in p(rese)nc(ia) quintens cokeroels als burg(er)meest(er)s arnde/ vande zande en(de) arnde van coelen scepen(en) te loeven(en) ghestaen hebben ghetuyght/ op huer eede die sij d(air) o(m)me lieflijken ten heyligen ghedaen hebben des hier nae/ volght Inden yersten tuyght elck dat hij van wettighen bedde es ghebore(n) tuyge(n)/ voort samentlick dat sij op ons(er) liev(er) vrouwen dach a(n)nu(n)ciacio lestleden wae(re)n/ ind(er) stad van roeme(n) ende saghen dair livich ende leven(de) in goed(er) ghesontheit/ eenen gheheeten goert de vette(re) den welken sij h(ier) voirtijden hebben sien/ woene(n) wel ii oft iii jaire(n)n met meest(er) janne van hasselt den welken goorde/ men doen seyde natuerlick zone meest(er)s lodewijcx wijlen de vette(re) docteurs/ in medicinen Ende dit gheschiede t(er) p(rese)ncien van janne pynnock natuerlick/ act(um) maii xviii anno lxi[o]