Want stoet en(de) tebat opv(er)staen en(de) v(er)resen was tusscen goerde de mulde(re)/ als man en(de) momboir g(er)truden van breedzijp sijns wijfs wed(uwe) jans wile(n)/ mons in deen zijde en(de) joese stercke in dande(r) zijde als van ii scepen(en)/ brieven van loeven(en) d(air) inne de vors(creven) joes gehouden en(de) v(er)bonden is den/ erven [spreken(de)] van (½) rijd(er) lijfp(ensien) en(de) den and(ere)n van (½) mudde lijfpens(ien) It(em) van/ vii rins guld(en) r eens te bet(alen) die de vors(creven) goert als momboir/ sijns wijfs vors(creven) den vorg(enoemde) joese eisschen(de) is uut ocsuyne vanden/ coepe van eene(n) bossche die de vors(creven) [selve] joes tegen den vorg(enoemde) wijle(n)/ ja(n)ne mons gecocht soude hebben [en(de) noch va(n) eene(n) scep(enen) br(ieve) va(n) lov(en) van xvi scilde die ja(nne) wijle(n) mons spreken(de) heeft op m(er)celise vanden opstalle welc schout spruyten(de) comt va(n) zeke(re)n vessche(n) die de(n) vors(creven) jose toebe hoerden] soe hebben hen de vors(creven) p(ar)tije(n)/ in beide(n) zijden vanden vors(creven) stoete en(de) va(n) al des d(air) aen cleve(n) mach/ en(de) voirt va(n) alle(n) and(ere)n actie(n) en(de) heisscingen die de vors(creven) p(ar)tije(n) tot/ opden dach toe van heden deen aend(en) and(ere)n hebbe(n) mogen v(er)bonde(n)/ en(de) gesubmitteert te wetene de vors(creven) goert in reyne(re)n wijtfliet en(de)/ wout(ere)n de mu(n)tre en(de) de vors(creven) joes in lod(ewijck) merx en(de) joese de/ pape als segge(re)n en(de) vrintlic yffene(re)n met sulk(en) vurw(er)d(en) dat de/ selve segge(re)n hen va(n) beiden p(ar)tien informe(re)n sullen en(de) hen eendrech/ tige uutsprake d(air) af doen tussce(n) dit en(de) s(in)te jansdach naestc(omende)/ mett(er) sonnen p(ro)mitt(entes) rat(um) cor(am) zande colonia junii xxii