It(em) her henrick coef prieste(r) renu(n)c(ians) (et)c(etera) die een jair langk due(re)nde/ verpacht en(de) ghenome(n) heeft teghen den erfprochiaen der kercken van/ voshem de selve kercke te bediene in p(rese)nc(ia) der scepen(en) van loeven(e) gestaen/ heeft ghelooft goorde p(er)neel ende willeme d(er)anis momboire(n) der kercke(n)/ voirs(creven) van weghe(n) der selv(er) kercken oft de selve p(ro)chie oft kercke mits mesdienen(e)/ desselfs her henricx oft ande(re)n ocsuyne van sine(n) wege(n) comen(de) in laste quame/ van cesse exco(mmun)icacie(n) oft ande(re)n lasten dat hij die voirs(creven) kercke en(de) p(ro)chie/ van dien laste schadeloes houde(n) en(de) ontheffe(n) sal en(de) hen stelle(n) en(de) / restitue(re)n in hue(re)n wesene en(de) state Hier voire sijn borghe(n) des voirs(creven) / her henricx als p(ri)ncipael schulde(re)n indivisim barbale vand(en) hove/ moed(er) des voirs(creven) h(er) henricx en(de) arnd van ov(er)beke sijn swag(er) Ende/ h(ier) af hebbe(n) ghelooft de voirs(creven) h(er) henr(ick) en(de) sijn moed(er) den voirs(creven) arnde/ tontheffen(e) En(de) voort heeft ghelooft de voirs(creven) h(er) henrick sijnd(er) moed(er) tontheffene/ cor(am) zande col(onia) junii xxiii