Cont sij allen lyeden dat henrick van lynthre ende meest(er) matheeus de/ laheyns in yeghewordicheid(en) der scepen(en) van loeven(e) ghestaen hebben uut/ ghegheven ende bekent dat sij uutghegeven hebben voir hen hue(re)n erven/ ende nacomelinghen [henricken den hollandre briede(r) sine(n) erve(n) en(de) naec(ome)l(in)ge(n)] een bruweca(m)me gheheeten den ode(n)vare mett(er) plaetse(n)/ dair acht(er) gheleghen alsoe breet tselve erve es hem steeckende ind(er) selver/ breydden totten yersten steene vande puttenborne ald(aer) acht(er) gheleghen ten/ odenvare weert ende niet voird(er) metten cuypen ende ketelen dair toebehoren(de)/ ende metten ghebruyke vanden selve(n) puttenborne ghelijkerwijs de voirscr(even)/ goede gheleghen sijn inde byeststrate buyten der bynnensterpoorte(n) tegen/ den corttenbruel over tusschen de goede jans beyaerts scrijnmakers in deen/ zijde ende de goede danckarts willems in dand(er) zijde metten weghe gaende/ vanden voirs(creven) goeden totter byeststraten uut ghelijck den selven wech gelege(n)/ es tusschen de voirs(creven) ca(m)me ende de goede jans beyaerts voirs(creven) opde erfvurweerde(n)/ ende conditien hier nae bescreve(n) Inden yersten dat de voirs(creven) meest(er) matheeus/ tot eeuwighen daghen hebben en(de) behouden sall tgebruyck vanden voirs(creven) geheele(n)/ weghe o(m)me te gane ende te come(n) tot sine(n) huyse gheheeten den moutvloer/ ghelegen achter de voirs(creven) ca(m)me ende tot sijnre plaetsen erfs aenden voirs(creven)/ putte gheleghen over ende dore den selve(n) wech te gane ende te keere(ne)n ter/ byeststraten uut met eenen cruywaghene met eene(n) p(er)de ende met twee/ eemers zond(er) yemants wed(er)segghen Item dat de voirs(creven) henrick de hollande(re)/ den voirs(creven) wech ende sijn plaetsse acht(er) de voirs(creven) ca(m)me gheleghe(n) totte(n) yerste(n)/ steene vanden voirs(creven) putte sall moghen betymmeren op dat hem ghelieft/ Behoudelijck dat den selve(n) gheheelen wech vander eerden opweert alsoe hoghe/ en(de) alsoe wijt o(n)bety(m)mert bliven sal datmen dair doe(r) met eene(n) p(er)de sall/ moghen rijden ende met eenen cruywaghene ende twee eemers lijden/ It(em) dat de selve henrick de hollande(re) tot euwighen daghen op sinen cost en(de)/ last den vrede houden sall tusschen de goede jans beyaerts voirscr(even) en(de) den/ wech aldair erfflick te houden(e) ende te besitten op viere rijd(er)s lijfpens(ien)/ die paesschen weduwe jans wijlen sluysmans op xxiii(½) stuv(er)s van dien/ i(½) rinsche gulden(en) ende van dien (½) ouden grote(n) [erfchijns] die de weduwe jacops/ wijlen pynnock ende noch op x pl(acken) erfs chijs die tcloest(er) vande(n) wytte/ vrouwen te loeven(e) aen de voirs(creven) goede des voirs(creven) henricx de hollande(re)/ houdende sijn ende oec aen ende op de goede hier ond(er) bescreve(n) Inden/ yersten aen ende op den voirscr(even) moutvloer toebehorende den voirs(creven) meest(er)/ matheeuse gheleghen acht(er) de voirs(creven) camme mett(er) voirs(creven) plaetse(n) erfs/ / aenden putte ald(aer) gheleghen ghelijck den selven moutvloer gheleghen/ es tusschen thouthuys ende den hoff henricx van lynthre in deen zijde/ ende de goede der weduwen jans wijlen sridders aen dand(er) zijde de/ goede des voirs(creven) meest(er) matheeus inde derde zijde ende ghelijck tvoirs(creven)/ plaetsken erfs gheleghen es voe(r) den voirs(creven) moutvloer tusschen den selve(n)/ moutvloer in deen zijde ende den voirs(creven) putte ende dair den wech/ danckaerts willems aen dand(er) zijde den hoff desselfs danckaerts ter/ zijden van sinte jacops kercken weert inde derde zijde ende den wech/ henricx de hollande(re) opde vierde zijde metten nutscape ende ghebruycke/ vanden voirs(creven) putte Item aen ende op een houthuys met eene(n) hove/ dair toe behorende henricx van lynthre gheleghen acht(er) de voirscr(even)/ brouweca(m)me tusschen den voirs(creven) moutvloer in deen zijde ende den/ wech des voirs(creven) henricx van lynthre gaende t(er) stad vesten weert in dand(er)/ zijde ende acht(er) op dynde aende goede der weduwen jans wijlen/ sridders ende vore t(er) bieststraten weert tusschen de voirs(creven) ca(m)me de goede/ jans beyaerts ende henricx ve(re)nzannen ghelden(de) hebben ten behoirlijke(n)/ tijden te betalen ende voirtaene op twee gulden rijd(er)s der mu(n)ten onss/ ghene(dichs) shee(re)n tsh(er)togen van bourg(oig)[ne(n)] ende van brabant van goude/ goet ende ginghe te weten xxvi stuv(er)s der mu(n)ten voirs(creven) voir elken rijder/ gherekent alle jaire opden v[ste(n)] dach der maent van februario te betalen(e)/ Te weten den eenen rijd(er) dair aff den voirs(creven) henricken van lynthre ende/ sinen erven ende naecomelinghe(n) ende den ande(re)n rijd(er) dair aff den voirscr(even)/ meest(er) matheeuse ende sine(n) erve(n) ende naecomelinghe(n) erfflijc in toecomende(n)/ tijden ende opden co(m)mer vanden voirs(creven) iiii rijders lijfpensien vanden xxiii(½)/ stuv(er)s vanden x pl(acken) ende vanden ii rijders erfflick t(er) stont vore gheruert/ Hebben ghelooft de voirs(creven) meest(er) matheeus en(de) henrick van lynthre den voirs(creven)/ henricke de hollandre ende sinen naecomelinghen de voirs(creven) goede van allen/ ande(re)n impedimenten ende calangien voertaen te warande(re)n ende hem dair/ aff altoes ghenoech te doene op dat hem yet myn dan ghenoech gheschiet/ ware ende op alsulken last ende co(m)mer dat de voirs(creven) goede des voirs(creven) henricx/ de hollandre metgad(er)s den voirscr(even) goeden des voirs(creven) henricx van lynthre/ ende meest(er) matheeus vore den voirs(creven) gheheelen chijs ende noch voir i(½) rins/ gulden(en) ende (½) ouden groeten erfflick chijs aende weduwe [willems wilen] van butsele/ mede ond(er)pandt sijn alsoe dat den voirs(creven) henrick de hollande(re) sinen erve(n) ende/ naecomelinghen tot eeuwighen daghen vast ende ghenoech sijn moghe Van/ welken iiii rijders lijfpens(ien) van xxiii(½) stuv(er)s erfchijs ende x pl(a)c(ken) heeft/ ghelooft de voirs(creven) henrick de hollande(re) de voirs(creven) goede des voirs(creven) henricx van/ / van lynthre en(de) meest(er) math(eeus) tot ewighen daghen schadeloes te houden(e) ende/ tontheffene ende te meerd(er) vestich(eit) den voirs(creven) henricke en(de) meest(er) matheeuse/ van hue(re)n van hue(re)n [vors(creven)] ii rijd(er)s erfflijck voirs(creven) ende oic vander gheluften van/ ontheffene te doene Soe heeft de voirs(creven) henrick de hollande(r) bij orlove she(re)n/ vanden gronde in title van wettighen ond(er)pande he(m) te pande ghesedt de/ goede hier nae bescreven Inden yersten de voirs(creven) brouweca(m)me met hue(re)r/ toebehoerten gheleghen als voer It(em) noch drie huysen met hue(re)n hove(n)/ ende toebehoirten gheleghen inde wijngaertstrate tusschen de goede/ joffr(ouwen) dorothee(n) wed(uwe) jans wile(n) resart ab una p(ar)te (et) bo(na) jo(hannis) q(uon)d(am) stockelpot/[p(ar)te ab alia en(de) de goede h(er) jans va(n) scaffene p(rie)sters] Item een stuck wijngaerts gheleghen inde corttegroeve tussche(n) de/ goede arnds wile(n) va(n) meerbeke en(de) de goede h(er) jans va(n) scaffene(n) p(rie)st(er)s/ van welken ond(er)pande de voirs(creven) henrick de hollande(re) den voirs(creven) henricke van/ lynthre en(de) meest(er) matheeuse altoes ghelooft heeft ghenoech te doene/ ende de voirs(creven) iii huysen op een pondt borseghelts en(de) tvoirs(creven) stuck/ wijngaerts op eenen ouden groten tamq(uam) [alse voir alle co(m)mer en(de) last d(aer) van uut gaen(de) te warande(re)n p(ro)m(isit)] Met sulker vurweerden en(de)/(con)dicien dat de voirs(creven) henric de hollande(re) de voirs(creven) ii rijd(er)s erfflijker rente(n)/ quiten en(de) lossen mach alst hem ghelieft te weten elken rijd(er) dair aff/ met xviii rijd(er)s ghelijker inder werden voirsc(reven) ende met vollen rente(n)/ van eenen jaire smacht colonia augusti xxiii