It(em) lijsbeth heyns docht(er) wijle(n) mathijs heyns heeft gheconsenteert/ en(de) ghewillekeurt goorde heyns hue(re)n brued(er) bode d(er) univ(er)siteit van/ loven(en) dat hij sal moge(n) p(ro)cede(re)n en(de) met rechte vervolge(n) het/ zij int gheestelick oft weerlick dair dat den selve(n) goorde ghelieve(n)/ sall o(m)me tacht(er)volgen(e) alle de haefflijke goede als ghebleve(n) sijn nae/ de doot des voirs(creven) wijle(n) mathijs en(de) m(ar)griete(n) [wijle(n)] vander smisse(n) vader/ sijne(n) wijve vad(er) en(de) moeder der voirs(creven) lijsbette(n) en(de) goorts te wat/ stede(n) oft plaetsse(n) die ghebleve(n) sijn oft bevonde(n) zulle(n) wordde(n) ende/ die vervolght en(de) ghewonne(n) sijnde sal de selve lijsbeth koese hebbe(n)/ inde selve goede mede te deylen(e) en(de) de helicht vande(n) coste(n) van/ rechte dair op gheloope(n) te betalen(e) oft huer der selv(er) have(n) afdrage(n)/ op dat huer ghelieft Ende oft de voirs(creven) lijsbeth inde voirs(creven) have/ deylen woude sal de voirs(creven) goort ghehoude(n) sijn en(de) den cost ende/ schulde(n) nae hier avenant betale(n) sal de voirs(creven) goort ghehoude(n) sijn/ hem bij sijnre eedt te cleeren(e) wes have(n) hij bevonde(n) heeft ende/ wat cost hij dair om ghedaen heeft cor(am) ouderogghe burg(i)mag(ist)ro febr(uarii) ix