It(em) de voirs(creven) jan hillen in p(rese)ncia heeft ghelooft jacoppe van stertbeke/ gheleyt sijnde nae den reche der stad van loeven(en) totte(n) goede(n) have/ ende erve jans wijle(n) hillen vad(er) des voirs(creven) jans en(de) lijsbette(n) sijns/ wijfs costeloes en(de) schadeloes te houde(n) ende tontheffene aen eene(n)yegelijke(n)/ alse van alsulker ghelufte(n) als derfghename(n) oft naecomelinghe(n) claes/ wijle(n) huysman soude(n) wille(n) oft moghen segghen dat de voirs(creven) jacop/ den vvoirs(creven) wijlen clase ghedaen zoude hebben van x peet(er)s eens te/ betalen(e) oft oic zoude moghe(n) segghen dat de selve jacop als gheleit/ hem gheluften ghedaen heeft zoude hebben mette(n) selve(n) beleyde behulp/ te doene opde voirs(creven) goede o(m)me vande(n) selve(n) x peet(er)s betaelt te/ wordden Ende voort van allen costen en(de) lasten die de voirs(creven) jacop/ om der selv(er) x peet(er)s wille zoude moghe(n) hebben oft lijde(n) het wae(re)/ inden rechte oft dair buyten op welke voirs(creven) ghelufte(n) de voirg(enoemde)/ jacop den voirs(creven) jan hille(n) den voirs(creven) beleitbrief ov(er)ghegheven/ heeft cor(am) eisd(em)