It(em) al eest alsoe dat de voirs(creven) executerus inde voirs(creven) xiii/ en(de) vijff rinssche gul(den) erfflijk(er) rinten tot behoef vanden huyse/ voirs(creven) ghegoeydt sijn soe es nochtan de guedinghe gheschiet bij/ weten(e) overdraghe en(de) t(er)minacie(n) vand(er) stad tott(er) meyninghen h(ier)/ nae bescreve(n) Te weten(e) want jan wijlen keyenoeghe voirscr(even)/ ghefundeert heeft een daghelijxsche misse ind(er) kercken van/ sinte peet(er)s te loeven(en) ghedaen te wordden(e) nae de doot marien/ ve(re)nog(er)ne(re)n ende tot elker misse(n) ghelate(n) heeft viere pl(a)c(ken) Dair
//
afmen de rinten dair toe behoren(de) coepe(n) zoude vanden gelde/ dat come(n) zoude uuten vercoepe vanden huyse ende vanden/ wijng(ar)de die de selve wijlen jan met testamente dair toe/ ghelate(n) heeft Oftmen dan tvoirs(creven) huys ende wijng(ar)de vercocht/ sijnde bevonde dat de pe(n)ninghe van dien comen(de) niet en coste(n)/ verstringhen de rinte(n) tott(er) voirs(creven) missen behoren(de) dat dan de/ voirs(creven) executeurs oft huer erfghename(n) tsurplus van dien/ ghebreke neme(n) zullen moghe(n) vanden rinten voirs(creven) en(de) dair af/ guedinghe doen soe dat behoirt tot behoef der missen voirs(creven) en(de)/ oft de voirs(creven) executeurs vanden capellane(n) oft yemant and(er)s/ ghemoeydt wordde(n) uut dien dat de selve capellane(n) meynen/ mochte(n) datme(n) de voirs(creven) misse ter stont oft voir de doot marie(n)/ ve(re)nog(er)ne(re)n voirs(creven) schuldich wae(re) te funde(re)n Dat sullen de voirs(creven)/ executeurs en(de) rintmeest(er)s tsame(n) en(de) bij assistencie(n) deen vande(n)/ ande(re)n wed(er)staen sulle(n) op cost vand(en) goeden ende tot des(er) meyninge(n)/ sulle(n) de voirs(creven) guedinghe brieve blijve(n) ond(er) scepen(en) van loeven(en)/ o(m)me dair mede voldaen te wordden(e) tgene des voirs(creven) steet/ cor(am) eisd(em)