It(em) nae dien dat peet(er) vaes poirte(r) te loeven(en) die ten versueke/ jans bollens met rechte in hachte(n) ghedaen was tot zichene(n) voir zeke(r)/ schout die hem de selve jan bollens eysschende was hem vand(er) selver/ hachte(n) mett(er) stad brieve(n) heeft doen ontslaen en(de) den voirs(creven) janne bollens/ dach van rechte besc(ri)ven op heden voir meye(r) en(de) scepen(en) van loeven(en)/ vand(er) voirs(creven) schout rechts te plegen Tot welken daghe van rechte/ de voirs(creven) poirte(r) selve niet coome(n) en es soe es met vonnisse(n) gewijst/ dat de voirs(creven) jan bollens voortvae(re)n mach t(er) plaetssen dair hij bogonne(n)/ hadde cor(am) roelants tymple col(onia) meersb(er)ge maii xi