It(em) amelrijck pynnoc zone h(ere)n henricx wijle(n) pynnoc rydders in p(rese)nc(ia)/ heeft ghekent ende ghelijt dat hij wale en(de) wettelick vercocht heeft/ janne de man zone wijle(n) jans een wat(er)molen gheheete(n) ter nuwermole(n)/ met hue(re)n voerslaghe en(de) met eene(n) beempde dair aen ghelege(n) ende/ mette(n) ande(re)n hue(re)n toebehoirte(n) ghelijkerwijs de voirscr(even) amelrijck de selve
//
molen teghe(n) h(ere)n symone pynnoc rydde(r) sijne(n) bruede(r) ende vrouwe/ katheline van quaderebbe sijnre medeghesellynne(n) ghecocht en(de) ghecrege(n)/ heeft Gheloven(de) de selve amelrijc den voirs(creven) janne de man vand(er) selv(er)/ molen voir hoff ende hee(r) behoirlijke guedinghe en(de) vestich(eit) te doene soe/ bij hem selve(n) soe bij ande(r) p(er)soene(n) die dair toe nae recht behore(n) oft behoeve(n)/ tusschen dit en(de) vastenavont naistcomen(de) ende de selve molen warandere(n)/ voir ombeco(m)mert leen Behoudelick nochtans den ix mudde(n) corens der/ maten van loeven(en) erfs pachts die de voirs(creven) amelrijc aen de voirs(creven) goede/ behouden(de) blijft hebben(e) alle jaire tsinte jans dage baptiste(n) te betalen(e)/ Ende oft de voirs(creven) molen voir meer co(m)mers verond(er)pant wae(re) soe/ heft de selve amelrijck de selve mole(n) dair af ghelooft tontheffene/ cor(am) colonia hoeve(n) julii xxix