It(em) peet(er) vanden bossche en(de) lijsbeth cuelens sijn wijf in deen zijde/ ende jan cuelens brueder der vors(creven) lijsbetthen kinde(re) daneels cuelens/ in dande(r) zijde [bij wille en(de) (con)sente des vors(creven) daneels en(de) a(n)ne(n) scher(en) sijns wijffs vader en(de) moed(er) der vors(creven) lijsbette(n) en(de) jans cuelens] sijn come(n) in jegewordicheid(en) der scepen(en) va(n) loeven(en)/ en(de) sijn [bij (con)sente des selfs daneels en(de) a(n)ne(n) sijns wijfs] met malcande(re)n eens worden alse van alle(n) de(n) goeden/ beruerlic en(de) omberuerlic alsoe wale vande(n) leengoede(n) alse/ vande(n) chijsgoede(n) oft eygen(en) goede(n) die den vors(creven) ja(n)ne cuelens/ en(de) lijsbetthe(n) sijnre sust(er) toecome(n) en(de) versterve(n) [sulle(n)] moge(n) vand(er) doot/ des vors(creven) daneels huers vad(er)s en(de) anne(n) [sijns wijfs vors(creven)] scher(en) sine(n) wijve/

hue(re)r moed(er) Te wete(n) dat de vors(creven) [peet(er) en(de) lijsb(eth)] gehuyssche(n) en(de) jan t(er)/ stont nae de doot des vors(creven) daneels en(de) anne(n) sijns/ wijfs [alle] de vors(creven) goede aenveerde(n) [hebbe(n) en(de) te gelike aenv(er)de(n)] sulle(n) en(de) die tussche(n) hen/ in twee gelijke porcie(n) en(de) deele(n) deile(n) sulle(n) Te wete(n)/

dat elc va(n) hen d(aer) af deen helicht hebbe(n) en(de) aenv(er)de(n) sall/ en(de) h(ier) mede sal elc vande(n) vors(creven) p(ar)tije(n) (con)tent en(de) te vrede(n)/ sijn sond(er) iet meer te eisschen oft te v(er)volghe(n) [oft vord(er) dan inde helicht te deile(n)] al eest/ alsoe dat enich van hen vord(er) dan dand(er) nae de(n) lant/ rechte oft nae de(n) rechte vand(er) plaetse(n) daer sij [d(aer) ond(er) die goede(n)] gelege(n) sulle(n)/ sijn d(aer) inne gericht [soude] moghe(n) sijn oft dat de vors(creven) daneel/ en(de) anne sijn wijff [vors(creven)] in hue(re)n testame(n)te and(er)ssins gemaect/ hebbe(n) oft m namaels maecte(n) Geloven(de) de vors(creven) p(ar)tije(n)/[bij (con)sente als voe(r)] de vors(creven) vurw(er)de(n) en(de) yffeni(n)ge vast en(de) gestedich te houde(n)/ en(de) malcande(re)n te voldoene en(de) ne(m)m(er)meer d(aer) tege(n) te gane/ te(n) tijde alst gebue(re)n sal bij hen selve(n) noch bij nyema(n)t and(er)s/ in ghene(n) rechte gheestelic noch weerlic in gheenre manie(re)n/ cor(am) tymple meersb(er)ge aug(usti) ult(ima)