It(em) jacop van tuydekem eenich zone jacops wijle(n) van/ tuydekem in p(rese)nc(ia) heeft ghekint ende ghelijt dat hem van/ janne smeyers ende katheline(n) sine(n)wijve ghenoech ghedaen/ es ende vervult de ghelufte van warandeerscape als van/ eene(n) halst(er) rogx der mate(n) van loeven(en) erfs pachts dat/ bevonden es erfflick gaende uut eene(n) halven boende(r) beempts/ paulo den voirs(creven) jacoppe toebehoren(de) ghelegen te ned(er)ijssche ter/ plaetssen gheheete(n) te langrode tusschen de goede der kynde(re)n jans/ wijlen wa quantelaert ende de goede jacops die vleeschouwe(re)/ en(de) wout(er)s wijle(n) sangwijn Dwelck de kercke van ned(er)ijssche oft/ de p(ro)chiaen ald(aer) dair aen heeft boven den chijs en(de) last d(aer)/ vore den voirs(creven) wijle(n) jacoppe van tuydekem de voirs(creven) goede bijden/ voirs(creven) ghehuysschen [gewarandeert wae(re)n den selve(n) gehuyssce(n)] ende huer goede vande(n) voirs(creven) eene(n) halst(er) rogx/ quijtschilden(de) ende gheloven(de) mett(er) ghelufte(n) van warandeerscape/ die uut ocsuyne vanden voirs(creven) halst(er) rogx ne(m)mermeer aen/ te spreken(e) te moeyen noch te vexeren bij hem selve(n) noch bij/ yeman(de) and(er)s in e(n)nighen rechte gheestelick noch weerlick in/ e(n)nig(er) manie(re)n cor(am) colonia hoeve(n) novemb(ris) vi[ta]