SAL8133, Act: R°104.2 (173 of 476)
Search Act
previous | next
Act R°104.2  
Act
Date: 1462-11-12

Transcription

2019-11-25 by myriam bols
It(em) niet wed(er)staen(de) dien dat de voirs(creven) jan leeman sijn tocht/
t(er) stont hebbe(n) zoude inde rinte voirs(creven) soe sijn de selve jan leema(n)/
in deen zijde en(de) jan beerne(re) en(de) vrancke willem(air) zone wile(n) vrancx/
in dand(er) zijde met malcande(re)n ov(er)come(n) datme(n) de voirs(creven) xxviii rijd(er)s/
aenlegge(n) sal in erfrinte(n) nae inhouden(e) d(er) t(er)minacie(n) voirs(creven) behoud(elijc)/
dat de voirs(creven) jan leeman sijn tocht d(aer) af derve(n) sal tott(er) wijle(n) toe/
dat die rinte(n) van dien verloepe(n) sijn tott(er) so(m)men van viii rijd(er)s eens/
ende de selve jan berne(re) en(de) vranck willem(air) zulle(n) die jairlijke rinte(n)/
vanden selve(n) xxviii rijd(er)s jairlix verschinen(de) heffen tott(er) so(m)men/
vand(en) viii rijd(er)s voirs(creven) en(de) die jairlix bringe(n) ond(er) de wet alh(ier)/
o(m)me die volbetaelt sijnde voort aenge viii rijd(er)s ingehave(n) sijnde/
voort aengeleet te wordden(e) in erfrinte(n) ghelijck den xxviii rijd(er)s/
voirs(creven) te weten(e) tott(er) tocht des voirs(creven) jans leemans en(de) totte(n) erfdo(m)me/
van sine(n) kende voirs(creven) cor(am) willem(air) burg(imagistr)[o] (et) aliis de (con)silio no(vem)[b(ris)] xii[a]
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus