SAL8133, Act: R°132.1 (231 of 481)
Search Act
previous | next
Act R°132.1  
Act
Date: 1462-12-17

Transcription

2019-12-15 by myriam bols
It(em) de voirs(creven) anthonijs meest(er) thoemas van wynghe/
sijn vader ende elck van hen in p(rese)nc(ia) hebben gheconsenteert/
ende bevole(n) datme(n) den voirs(creven) brief henricke van wynghe/
voirs(creven) geven sall o(m)me hem dair mede vand(er) voirs(creven) borchtochte(n)/
van ii rijders lijftochte(n) voirs(creven) ende oic van vijff croenen/
erfflick aen joffr(ouwe) marie(n) madea wed(uwe) coenrarts wijlen/
scribaen en(de) van drie peet(er)s erfflick aen marien ve(re)nogerven/
en(de) van drie rijd(er)s erfflick aen janne van oppendorp ende/
voortmeer van ande(re)n borchtochte(n) dair inne de selve henrick/
voir den voirs(creven) anthonijse en(de) meest(er) thomase oft e(n)nige(n) van/
hen [als] borghe verobligeert en(de) verbonde(n) es Te lossene ende te/
doen lossene alst hem ghelieft met alle(n) den coste(n) en(de) co(m)me(r)/
dair op ghegaen en(de) die d(air) op zullen moghe(n) gaen in e(n)nig(er)/
manie(re)n cor(am) eisd(em)
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus