SAL8133, Act: R°170.1 (304 of 477)
Search Act
previous | next
Act R°170.1  
Act
Date: 1463-02-07

Transcription

2020-02-12 by myriam bols
It(em) marie sbruynen docht(er) claes wijle(n) sbruynen en(de) h(er) jan ymbrechs/
prieste(r) wonen(de) te woluwe bij bruesselle [renu(n)cians (et)c(etera)] in p(rese)nc(ia) hebben geloeft/
indivisim clase amelen robbrechte raes janne platteborsse he(n)ricke/
heymans gehete(n) cock janne vranx en(de) ja(n)ne die keysere ende/
elke(n) va(n) hen besund(er)t en(de) elx goede va(n) hen scadeloes te houden/
en(de) tontheffen va(n) alsulke(n) drie rijd(er)s lijftochte(n) te(n) live joffr(ouwe) katline(n)/
uuten lyemi(n)ge(n) beghijne d(aer) voe(r) de vors(creven) p(er)soene(n) v(er)bligeert sijn met/
scepen(en) brieve(n) va(n) loven(e) d(aer) op gemaect gedateert m cccc lxvi xxviii/
daghe in nove(m)bri En(de) desgelijx voert va(n) alle(n) v(er)schine(n)de(n) rinte(n)/
en(de) alle(n) coste(n) hoedanich die sijn mochte(n) die sij uut ocsuyne d(er)/
vors(creven) lijfpens(ien) enichsins in toecomen(de) tijde(n) hebbe(n) oft lide(n) mochte(n)/
en(de) de selve drie rijd(er)s lijftochte(n) afte leggene en(de) te quitene/
alsoe dat de vors(creven) v(er)obligeerde p(er)soene(n) en(de) huer goede d(aer) af tot/
ewige(n) daghe(n) ongepraemt sulle(n) blive(n) En(de) oft de selve p(er)sone(n)/
oft enich va(n) hen tot bewisenisse(n) d(er) selv(er) lijfpens(ien) bedwonge(n)/
wordde oft andre laste(n) op hen uut ocsuyne der selv(er) gevord(er)t/
oft aengevueght wordde(n) soe hebbe(n) de vors(creven) marie en(de) h(er)/
jan renu(n)cie(re)nde als voe(r) geloeft indi(vi)sim als voe(r) hen zame(n)tlic/
en(de) elke(n) va(n) hen va(n) dien scadeloes te houde(n) en(de) tontheffe(n) alsoe/
dat sij en(de) huer goede d(aer) af tot ewige(n) dage(n) ongelast sulle(n)/
sijn en(de) blive(n) En(de) va(n) al des vors(creven) steet heeft geloeft de vors(creven)/
marie den vors(creven) h(er) janne costeloes en(de) scadeloes te houdene/
en(de) tontheffene en(de) in meerd(er) vesticheiden en(de) zekerheide(n) [tot v] va(n) al/
des vors(creven) is den vors(creven) p(er)soene(n) en(de) elke(n) van hen alnoch te des vors(creven) /
is [tot en(de) bove(n) tgene des vors(creven) is] te doene Soe heeft de vors(creven) marie sbruyne(n) ende jacop/
peet(er)s inde(n) name va(n) hem selve(n) en(de) als momboir lijsbethe(n)/
snoex sijns wijfs en(de) maes va(n) reynrode sijns soens in sinen/
brode sijnde de welke de selve jacop in dese(n) op hem genome(n)/
heeft en(de) geloeft te v(er)vane [h(ere)n ja(n)ne amele(n) prieste(r) tot behoef vande(n) selve(n) p(er)soene(n) en(de) elx va(n) hen] drie huyse(n) neve(n) een gelege(n)/
met hue(re)n hoeve(n) en(de) toebehoerte(n) gelege(n) opde voere tussche(n)/
de goede h(er) ad(ri)aens de gruyte(re) p(rie)st(er)s en(de) de goede ogiers/
vand(er) beke bij orlove she(re)n vande(n) gronde in title va(n) wettige(n)/
ond(er)pande
gesedt en(de) v(er)bonde(n) Geloven(de) de vors(creven) marie vande(n)/
vors(creven) goede(n) den vors(creven) p(er)soene(n) alt(ijt) genoech te doene alsoe dat/
hen dat vast en(de) zek(er) moge wese(n) op sulke(n) vurw(er)de en(de) (con)dicie/
dat niet wed(er)staen(de) d(er) obligacien vande(n) goede(n) vors(creven) de vors(creven) p(er)sone(n)/
en(de) elc va(n) hen sijn recht sal moge(n) vorde(re)n het sij opde(n) selve(n) ond(er)pant/
oft opde vors(creven) v(er) twee v(er)obligeerde p(er)soene oft op huer andre/
goede soe he(n) dat [te(n) gereetste(n)] nae recht best sal moge(n) diene(n) en(de) behoeve(n)/
cor(am) witte cok(eroul) febr(uarii) viii
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus