Cont zij alle(n) liede(n) dat woute(r) vanden kerchove sone wout(er)s/ wijle(n) vande(n) kerchove in deen zijde lambrecht die swerte(re) scrijnmake(r)/ inde tweeste zijde ende henrick va(n) schoene(n)b(er)ghe gelaesmake(r)/ des selfs lambrechts swag(er) inde derde zijde in tegewordicheide(n)/ d(er) scepen(en) van loven(e) gestae(n) sijn met malcande(re)n voir hen hue(re)n/ erve(n) ende naecomelinghe(n) eens worde(n) en(de) ov(er)come(n) de vurw(er)den/ pointe(n) en(de) erfcondicie(n) hier hae gescreve(n) alse va(n) hue(re)n goede(n)/ en(de) huysinge(n) deen bijden and(ere)n gelege(n) gelege(n) inde hoelstrate/ tussce(n) de herberghe geheten den wille(n) leeu in deen zijde en(de)/ den hoeck vand(er) pe(n)inc(er)strate in dande(r) zijde ind(er) manie(re)n hier nae/ bescr(even) Inde(n) ierste(n) dat de vors(creven) lambrecht de goete staende/ tussche(n) thuys gehete(n) die borsse des vors(creven) wout(er)s en(de) thuys des/ vors(creven) lambrechts in alsulke(n) state soe die nu steet tot sine(n)/ coste en(de) laste tot ewige(n) daghe(n) houde(n) sall en(de) dat noch de/ selve lambrecht ov(er) die zijde vand(er) scaelgie(n) des vorscr(even)/ wout(er)s lanx den reynen muere desselfs lambrechts een goete/ sal doen legge(n) en(de) make(n) op vi duyme(n) nae den selve(n) reyne(n)/ muere lanx totte(n) ynde vande(n) huyse des vors(creven) lambrechts/ o(m)me dwat(er) comen(de) vande(n) dake des selfs lambrechts d(aer) inne/ tontfane en(de) te valle(n) en(de) dat soe voirt leide(n) dore de vors(creven)/ goete tussche(n) de vors(creven) huyse(n) gelege(n) tot voe(r) t(er) strate(n) uut/ daer de selve lambrecht sine(n) wat(er)val va(n) sine(n) goeden/ behoude(n) heeft xv duymen buyte(n) den reyne(n) muer ald(aer) ter/ pe(n)nincstrate(n) weert aen Behoudelic soe wa(n)neer de vors(creven) goete(n)/ ruymens oft veghens behoeve(n) dat dan de voirs(creven) lambrecht sine(n)/ doerganc hebbe(n) sal doer die goede des vors(creven) wout(er)s om ald(aer)/ te gelijke die te vaghe(n) gelijc vors(creven) steet It(em) dat de vors(creven)/ woute(r) sine(n) osiendrup en(de) wat(er)val va(n) sine(n) nuwe(n) huyse alsoe v(er)re lanc
//
hem tselve gesciet gelege(n) acht(er) den goede(n) des vors(creven) lambrechts/ en(de) henrix welc huys de selve woute(r) ald(aer) nuwelinx heeft doen/ tymme(re)n vi duymen breet ind(er) goete(n) staen(de) tussche(n) tselve nuwe/ huys en(de) de(n) huyse(n) des vors(creven) lambrechts en(de) henrix tot ewige(n) dage(n)/ hebbe(n) en(de) behoude(n) sal en(de) dat tot ewige(n) daghe(n) blive(n) sal ombe/ co(m)merde en(de) legheplaetse wijt xxi duyme(n) tussche(n) de(n) reyne(n)/ muere des vors(creven) lambrechts en(de) henrix staende acht(er) de voirs(creven)/ huer huysinghe en(de) en muere die de vors(creven) woute(r) aen sijn/ nuwe huys heeft doen make(n) alsoe lang als hem tselve nuwe/ huys gesciet It(em) dat de vors(creven) henric erflic en(de) ewige(n)/ daghe(n) va(n) sine(n) goeden acht(er) uutcomen(de) aende(n) hoff des voirs(creven)/ wout(er)s hebbe(n) en(de) behoude(n) sal sine(n) wat(er)val en(de) osiendrup op/ derve des vors(creven) wout(er)s ald(aer) gelege(n) beginne(n)de acht(er) tot op dinde/ vand(er) pe(n)nincstrate(n) te wete(n) vand(en) stroele(n) daken metgad(er)s/ den stroele(n) dexke(n) vand(er) heymelich(eit) xv duyme(n) en(de) alsoe/ v(er)re alst tiegeldack is vi duyme(n) en(de) niet meer It(em)/ dat de vors(creven) henric noch lambrecht gheen vinste(re)n acht(er) tege(n)/ den hoff des vors(creven) wout(er)s make(n) en sulle(n) moge(n) sij en sulle(n)/ die v(er)calu(m)mene(n) en(de) die [vinste(re)n die] d(aer) nu sijn oec doen v(er)calu(m)menen/ doer welke vinste(re)n sij oec noch storte(n) noch ghiete(n) en sulle(n)/ moge(n) in enig(er) manie(re)n de nachtpot dus ook niet It(em) de vors(creven) lambrecht en sal inde/ want oft gestijpte staen(de) op sijn scaelgie tussce(n) de roekene/ des selfs lambrechts en(de) derve des vors(creven) wout(er)s gelege(n) egeen/ vinste(re)n noch gate(n) moge(n) make(n) noch doen make(n) benede(n) die/ vii voete(n) beginnen(de) vand(er) scaelgie(n) des vors(creven) lambrechts opw(er)t/ en(de) die selve vinste(re)n en(de) gate(n) soe make(n) en(de) houde(n) dat hij/ daer doere ten erve wert des vors(creven) wout(er)s egeenra(n)de water/ noch and(er)ssins en sal moge(n) storte(n) nocht uutghiete(n) It(em) oft/ den vors(creven) lambrechte in toecomen(de) tijde(n) op die want vors(creven) wa(n)t/ geliefde te tymme(re)n oft te doen make(n) sette(n) een huys dwelc/ hij doen mach soe sal hij va(n) dier tymmeri(n)ge(n) sine(n) osidrup/ behoude(n) op derve des vors(creven) wout(er)s gelijc een tiegeldack/ osidrup sculdich is te hebbene It(em) de selve want sal blive(n)/ staen(de) tewige(n) daghe(n) soe die nu steet sond(er) afbreke(n) behoud(elic)/ oft de vors(creven) lambrecht die afbreke dat hij dan tot sijnd(er)
//
cost die wed(er)o(m)me gehoude(n) sal sijn te doen make(n) oft/ opde selve plaetse eene(n) steyne(n) muer te doen make(n) en(de)/ sette(n) sond(er) de(n) erve des vors(creven) wout(er)s naerd(er) te come(n) dan/ sij nu steet It(em) de vors(creven) lambrecht sal sine(n) osidrup va(n) sine(n)/ huyse vallen(de) opde scaelgie des vors(creven) wout(er)s corte(n) op vi duyme(n)/ nae den reyne(n) muere des vors(creven) lambrechts ald(aer) gelege(n) It(em)/ de vors(creven) woute(r) sal dwater va(n) sine(n) huyse comen(de) alsoe leide(n)/ dat de(n) goede(n) des vors(creven) lambrechts en(de) henrix d(aer) af egeen/ hynd(er) come(n) noch gesciede(n) en sal It(em) en sal oec de vors(creven)/ woute(r) egeen vinste(re)n moge(n) make(n) noch houde(n) inde want/ va(n) sine(n) h nuwe(n) huyse dwelc hij nuwelinx op zijn scael/ gie heeft doen ty(m)me(re)n en(de) make(n) te(n) erve wert aen des/ vors(creven) lambr(echts) hij en sal die v(er)calu(m)pne(n) oft v(er)traelge(n) en(de)/ die v(er)calu(m)ment oft v(er)traelght houde(n) It(em) sal voert de/selve woute(r) [en(de)] de want vande(n) selve(n) huyse sal de selve/ woute(r) v(er)plecke(n) en(de) toev(er)make(n) tot op v voete nae d(er) eerde(n)/ en(de) die alsoe v(er)plect en(de) v(er)maect houde(n) welke vurw(er)d(en) pointe(n)/ en(de) (co)dicie(n) vors(creven) hebbe(n) geloeft de vors(creven) p(ar)tie(n) voir hen hue(re)n/ erfgename(n) en(de) naec(omelingen) deen den and(ere)n goet vast en(de) gestentich/ te houdene alsoe dat eene(n) iegelike(n) va(n) hen tot ewigen/ daghe(n) vast en(de) genoech sijn moeghe cor(am) roeloffs cok(eroul)/ m(ar)cii xxiii