Item dit huys is lanc xlviii voete [lanc] bynne(n) mure(n) luttel myn oft meer/ ende het is wijt xl voete buten mure(n) lanc Ite(m) iiii bloete/ balcken also lanc als si behoeve(n) elke(n) viii dume(n) dicke en(de)/ x dume hoghe elcke(n) balc met sine(n) baesschen ii dume(n) dicke/ en(de) also breet als die balcken sijn elke baessche iiii voete/ lanc ende onder elken balcke sal staen i stijl also lanc als/ hi behoeft viii dume(n) int acht kant ende ond(er) elken balc/ sal ligge(n) i baessche(n) tusschen iiii oft v voete(n) lanc In die/ middelt van die balken elck baessche iii dume(n) dicke/ en(de) in desen baesschen zullen steken die stijlen voirs(creven)/ gebonden elke stijl met ii carbeelen ond(er) en(de) bove staen(de)/ op haer tanden met goeden aerreve(n) en(de) alle carbeele(n)/ also lanc zijn als hi behoeft en(de) dese stijle(n) sullen staen/ opden yersten solder gesteken in die ond(er)ste balcken ende/ onder die overste balcken met baesschen en(de) carbeelen/ Item aen die ghevel sal ligghen i strijchout also lanc/ alst behoeft vi en(de) vii dume(n) groot Item op dese balken/ en(de) strijchout en(de) op den ouwe(n) balc vanden huyse dat dair/ staet saltsijn ghebruct op xi dume(n) na een wel en(de) werkelijc/ also dat behoert elke brugge iiii dume(n) vierkant Item/ noch iiii bloete balcken also lanc als sij behoeve(n) vand(er)/ selver groette als voirs(creven) Item i strijchout also lanc als/ dat behoeft vii dume(n) vierkant en(de) op dese balcken en(de)/ op dit strijchout en(de) opden ouwe balc vanden voirs(creven) huyse/ saltzijn ghebruct als voirs(creven) op iii(½) dume(n) viercant die brugge(n)/ Item ii soel platen also lanc als sij behoeve(n) iii dume(n) dicke/ x dume(n) breet en(de) d(air) op so sullen ligghen dese ov(er)ste balcke(n)/ ghevouwestert en(de) [opt] strijchout Item van poetstijlen also/ lanc als sij behoeve(n) omtrent xv oft xvi voete lanc elke(n)/ poetstijl vii dume(n) dicke en(de) viii dume(n) breet elken iiii/ poetstijl balken also lanc als sij behoeve(n) vijf dume(n) dicke/ viii(½) dume(n) hoghe Item viii welfhoute(n) iiii oft v voete(n)
//
lanc tusschen sijn tanden onder en(de) bove(n) gesteken met goeden/ aerreven ende sij sullen sijn vander selver groette(n) dat die/ stijlen en(de) die balken zijn Item noch ii poetstijle aen die/ ghevel also lanc als voirs(creven) vi en(de) vii dume(n) groot ende/ die balcken van dier selver groette(n) Item op dese poetstijl/ balken zullen ligghen ov(er) elke zijde i rijcboem also lanc als/ si behoeven overschietende tot op die oude kepers vanden/ ouden huyse elcken rijcboem sal sijn vii dume(n) vierkant/ en(de) si sullen sijn ghevouwestart op die poetstijl balcken/ Item dese rijcboeme(n) zullen ligghen den ov(er)ste kant xvi/ voete hoghe uut den ov(er)ste kant van d(er) soel plaeten Item/ x gurdelen also lanc als si behoeve(n) vi dume(n) vierkant/ gesteken in die poetstijlen met goede(n) aerreve(n) op hon?/ tanden ghedeylt indie middelt tusschen die rijcboeme(n)/ en(de) die zoel platen xx karbeelen iiii voet lanc gesteken/ indie gordels en(de) onderstaende op eene(n) s tant aendie/ poetstijle(n) elcken carbeel v en(de) vi dume(n) groot Item xx/ vlogelbanden vi voete(n) lanc bove(n) gesteken inden rijcboe(m)/ ende onderstaende aen die poetstijle op ene(n) stijl tant/ elken bant iiii en(de) v dume(n) groot Ite(m) viii poetstijle/ omtrent ix en(de) x voete lanc vi en(de) vii dume(n) groot/ iiii poetstijl balken also lanc als si behoeve(n) vi en(de) vii/ dume(n) groot die welfhoute(n) vand(er) selver groette van/ linghden naden vyssche vande(n) werke Ite(m) noch ii/ poetstijle aen die ghevel met sine(n) balke(n) en(de) met zine(n)/ welfhoute(n) v en(de) vi dume(n) groot Item op dese poetstijl/ balcken zullen ligghe(n) ii rijgboeme(n) also lanc als sij behoeve(n)/ v(½) dume(n) vierkant en(de) ghewracht en(de) gevouwestert/ als voe(r) en(de) dese rijcboeme zullen ligghen der ov(er)ste/ kant viii voete hoghe uuten ov(er)ste kante vanden/ onderste rijcboeme Item die vlogelbanden v voet/ lanc iii en(de) iiii dume(n) groot en(de) si zulle(n) gewracht zijn
//
als voirs(creven) Item dese cappe sal sijn van ii hewen gekepert op/ voets na een ende dese aenvellers zullen zijn gesteken/ ond(er) in die soel platen en(de) si sullen zijn van dien ov(er)ste/ kante vand(er) soel platen totte(n) ov(er)sten kant vande(n) ondersten/ rijcboem xvi voet lanc en(de) si sullen gestroot? aenden/ rijcboem en(de) ghewracht als dat behoert en(de) si sullen/ tardem in die middelwairde opdie gordeels also dat behoert/ en(de) elken aenveller sal onder sijn iii dume(n) dicke en(de) iiii/ dume(n) breet en(de) die kepers bove(n) aende die crune ii dume(n)/ dicke en(de) een half en(de) iii(½) dume(n) breet en(de) si zulle(n) zijn/ vervolgende van onder aen die soel platen tot bove(n)/ aen die crune van dicte en(de) van breyde(n) also dat behoert/ ende dese kepers sulle(n) [sijn] gesteken in dien [ond(er)sten] rijcboem met goeden/ aerreve(n) Item dese kepers zullen zijn xxii voet lanc vanden/ ov(er)sten kant vanden rijcboeme tot der crune(n) toe Item elc/ ghebint en(de) elc ghespan sal hebben ha(r)e balc ghedeylt/ tusschen den ov(er)sten rijcboem en(de) die crune en(de) zij zullen/ zijn van dicten en(de) van breyden dat die kepers sijn dair/ die haenbalcke insteken zullen Item dese cappe sal sijn gehayt/ en(de) ghety(m)mert sijn opt out huys met alle sine(n) toebehoirte(n)/ soe dat schuldich is te sijn en(de) die stijle die op die worme/ staen sulle(n) vanden ouden huyse die zulle(n) sijn v dume(n)/ vierkant en(de) die balc vander selver grotte(n) en(de) gebonde(n)/ met zine(n) bande(n) en(de) rijkelen soe dat dat behoert Ite(m)/ men sal ov(er) elke zijde vander cappe(n) legghe(n) i(½) verplate?/Item ov(er) elke zijde van deser cappe(n) zullen staen ii vut/ghespanne(n) winsteren van hoeghden van wijdden en(de)/van steken also dat behoert elc vinster met haren/winberghen en(de) priemie(n)? Item dit huys sal sijn van ond(er)/ tot bove(n) wel en(de) werkelijc ghety(m)mert en(de) ghewracht/ en(de) ghebonden also dat behort sond(er) e(n)nich argelist van
//
goeden eykene(n) houte sond(er) rijcscellich oft ollu(m) oft roden olm/ dair in te sijn ende alte hoesschen kante uutgescheye(n) die/ brugge(n) van beide de solders die sijn [al] te kante Item soe wie/ dit werc werckt die sal dit houtwerc leve(re)n op sine(n) kost/ sond(er) e(n)nich argelist bove(n) staende ghericht op die mure(n)/ Item hij sal oec leve(re)n die barders van beide desen solders/ gherabat en(de) gheleyt van goeden droghe(n) wekenbarden/ Item hij sal oec leve(re)n al die eyke(n) tiechel latte(n) en(de) voetlatte(n)/ die dair toe behoeve(n) sullen en(de) hi en sal egheen yserwerc/ leve(re)n sond(er) enich argelist [vacat]/ Item dit huys salmen maken na de plaetse sond(er) argelist