It(em) al eest alsoe dat de voirs(creven) goede alleene ghewarandeert/ sijn elck boend(er) op ii oude yngelsche oft esterlinge en(de)/ op viii rijd(er)s erfflik(er) rinte(n) die jacop scholier daer aen/ heeft en(de) nochtan de selve goede alsoe de selve goort/ en(de) zijn huysvrouwe(n) kende(n) en(de) selve de naebesc(re)ve(n) p(or)ceele(n)/ van rinte(n) vercleerde(n) en(de) seyde uute(n) voirs(creven) goeden gaen(de)/ oft ten mynte(n) dat de selve goede d(aer) voe(r) mede v(er)pant/ sijn Inden yerste(n) van vi rijd(er)s erfflijken staen(de) elken/pe(n) ter quijtinge(n) elke(n) pe(n)ningk met achthie(n) pe(n)ninge(n)/ de welke de capellane(n) van s(in)te peet(er)s d(aer) aen hebben/ It(em) van vi croene(n) gheheete(n) augustijns croene(n) te/ xxi stuck staen(de) t(er) quijtinghe(n) elke(n) pe(n)ninck met
//
xvi pe(n)ninghen die jan van ranshem aen/ de voirs(creven) goede houden(de) es It(em) van iii rijd(er)s erfchijs staen(de)/ ter quitinge(n) den pe(n)ninck met xviii d(enieren) die h(er) willem/ edelhee(re) aen de voirs(creven) goede houden(de) es It(em) van vii rinssch(e)/ gul(den) erffchijs staen(de) t(er) quitinge(n) de(n) d(enier) met xviii d(enieren)/ de welke gorijs vrancx d(aer) aen heeft It(em) van vi/ rinssche gul(den) erffchijs staen(de) ter quitinge(n) elke(n) pe(n)ningk/ met xviii d(enieren) die jan wijle(n) van nethenen d(aer)/ aen houden(de) was It(em) van viii rijd(er)s erfchijs/ staen(de) t(er) quitinge(n) den d(enier) met xviii d(enieren) die/ thuys van s(in)te barble(n) te lov(ene) d(aer) aen houden(de) es/ Soe es nochtan bevurw(er)t dat de voirs(creven) raes den voirs(creven) goorde/ noch sijnre huysvrouwe(n) nocht hue(re)n goede(n) mette(n) voirscr(even)/ waerschape uut ocsuyne vanden voirs(creven) p(or)ceele(n) van rinten/ die gelijck voirs(creven) steet bijden voirs(creven) goorde [inder voirs(creven) cedule(n)] vercleert/ sijn uute(n) voirs(creven) goede(n) gaen(de) bove(n) de oude yngelsche en(de) viii/ rijd(er)s toebehoren(de) jacoppe scholier niet prame(n) en sal eve(n)meer/ gem(er)ct dat de selve rinte(n) tussche(n) de voirs(creven) p(ar)tije(n) expresse/ vurw(er)de es datme(n) die mette(n) gelde vande(n) coepe comen(de)/ afliggen en(de) quijte(n) sal cor(am) eisd(em)