It(em) es den voirs(creven) schoutbrief bekent tot des(er) meyninghen dat de voirs(creven)/ borgen ende elck van hen d(air) mede sal moghen behulp(en) o(m)me onthave(n) en(de)/ ontslaghe(n) te wordden(e) vander borchtochte(n) voirs(creven) soe wa(n)neer hen dat ghelieve(n)/ sal ende dair mede voe(r) niet meer blive(n) nocht staen en wilt en(de) voort mette(n)/ selve(n) brieve verhale(n) en(de) verreyken alle alsulken coste(n) schade(n) en(de) laste(n) hoedanich/ oic die wa(r)en alsoe wale vroentcoste(n) als ande(re) als sij oft e(n)nich van hen d(air)/ o(m)me ghehadt oft gheleden sal hebben in e(n)nig(er) manie(re)n cor(am) eisd(em)