It(em) de voirs(creven) henrick vanden veere in p(rese)nc(ia) heeft ghelooft den voirs(creven)/ sine(n) borghe(n) ende elken bezund(er)t ter manisse(n) van hen aut alt(er)i[(us)] te comen(e) voir/ hoff ende hee(re) dair af men houden(de) es een boend(er) lants den selve(n) henricke/ vanden veere toebehorende ghelege(n) te wynghe inde hoeve gheheete(n)/[vacat] tussche(n) de goede d(er) beg(ar)den van loven(e) in deen zijde ende/ de goede des voirs(creven) henricx in dander zijde ende naist den goeden/ wout(er)s oliviers opde derde zijde Ende den selve(n) borghe(n) ald(air) nae recht/ veroblige(re)n ende te pande sette(n) tselve boend(er) lants o(m)me d(air) aen te verreyken(e)/ met coste ende co(m)me(r) alle alsulke(n) ghebreken laste(n) ende schade(n) als sij oft/ e(n)nich van hen mits der borchtochte(n) wille vanden ii rijd(er)s lijftochte(n) voirs(creven)/ zoude moghe(n) hebbe(n) oft lijden in e(n)nig(er) manie(re)n ten coste henr(icx) vand(en)/ veere voirs(creven) cor(am) eisd(em)