It(em) de voirs(creven) marten in p(rese)nc(ia) heeft ghelooft den voirs(creven) lodewijke al/ eest alsoe dat tvors(creven) huys ende hoff dair inne de voirs(creven) marie(n) ghegoet/ es onderpant es aen willeme maes gheheete(n) van wijtvliet en(de) joffr(ouwe)/ katlijne(n) sine(n) wijve [voir] iii peet(er)s lijftochte(n) tot hue(r) beyd(er) live en(de) des lanxte(n)/ leven(de) van hen beyde(n) alle jaire te kersmisse te te betalen(e) dat hij/ nochtan den selve(n) lod(ewijke) mits dien laste mett(er) ghelufte(n) van waranderscape/ die hij hem vanden selve(n) huyse en(de) hove ghelooft heeft niet pramen/ en sall Gheloven(de) de selve lodewijck baets den selve(n) m(ar)tene en(de) sijn/ voirs(creven) goede vande(n) selve(n) iii peet(er)s lijftochte(n) schadeloes te houden ende/ tontheffen tot ewighen daghen En(de) ter meerder vestich(eit) van dien soe/ heeft de selve lod(ewijck) de voirs(creven) sijn drie peet(er)s erfflich inde(n) voirgaen(de)/ brieve beg(re)pe(n) bij orlove she(re)n vande(n) gronde wettelijken verond(er)pant cor(am)/ cor(am) eisd(em)