It(em) de voirs(creven) jan van wesenbeke in p(rese)nc(ia) vranx willem(air) als/ burg(er)meest(er)s en(de) lod(ewijck) roelofs en(de) quinten(e) cok(eroul) als scep(enen) heeft/ ghelooft in hande(n) vande(n) selve(n) scepen(en) burg(er)meest(er) en(de) voir/ de voirs(creven) scepen(en) want hij den tijt dat hij gecorrigeert was op/ eene halve roede muers heeft laten ov(er)gaen sond(er) betalinge/ van dien te doene ende mits dien den hee(re) ende der stad zeke(r)/ coeren verschene(n) souden sijn dat hij t(er) manisse(n) vande(n) meye(r) oft/ vand(er) stad come(n) sal voe(r) den raide vand(er) stad o(m)me van dien te/ plegene en(de) te voldoene nae ordinancie vand(er) selv(er) stad bynne(n)/ xiiii nachte(n) nae dat hij dair toe van hen oft e(n)nige(n) van hen gemaent/ sal sijn m(air) oft hij bynne(n) kersmisse naistc(omende) niet vermaent en wordt/ dat in dien gevalle de sake in har selve(n) sal v(er)smelte(n) en(de) te/ nyeute sijn aust augusti xiiii