It(em) de voirs(creven) peet(er) ende woute(r) troye ghebruede(re) zone wijlen jans/ in p(rese)nc(ia) der scepen(en) van loeven(e) ghestaen hebben ghekint en(de) gelijt/ dat sij die pe(n)ninge(n) gecome(n) vanden vercoepe d(er) ii rijd(er)s lijfp(ensien) voirs(creven)/ tusschen hen beyden ghehave(n) en(de) ghebuert hebbe(n) te weten(e) de voirs(creven)/ peet(er) xi rijd(er)s d(air) af en(de) de voirs(creven) woute(r) dande(r) ix rijd(er)s d(air) aff/ Ende hebben dair o(m)me elck den ande(re)n bevurw(er)t gelooft en(de) toegeseet/ of e(n)nich van hen beyden in toecomen(de) tijde(n) voir de voirs(creven) lijfpen(sien)/ vord(er) gepraempt wordde dan elck van hen beyden voir tgene des/ hij gehave(n) heeft het wa(r)e voe(r) die p(ri)ncipael pe(n)ningen voe(r) die/ jairlijke betalinge(n) oft bewijsenisse d(er) selv(er) dat sij elck den ande(re)n/ dair af schadeloes houde(n) ende ontheffe(n) zulle(n) met coste en(de) co(m)me(r)/ cor(am) eisd(em)