SAL8133, Act: V°121.1 (207 of 477)
Search Act
previous | next
Act V°121.1  
Act
Date: 1462-12-04

Transcription

2020-02-06 by myriam bols
It(em) nae dien dat henrick de hollande(re) voir ghebreck van/
betalinge(n) van ix l(i)b(ra) ende xii s(chellingen) borsgelts ghepandt hadde/
op eene(n) hoff toebehorende ja(n)ne [en(de)] lijsbette(n) mottemans kende(re) henricx mottemans/
buytens lants sijnde ghelegen buyten der borchpoorte(n) aen de veste tussche(n)/
tstraetken gheheete(n) thorestraetken aen deen zijde de nuwe veste aen de/
tweeste zijde ende de goede jans van ranshem aen de derde zijde en(de)/
woute(r) de becke(re) ende barthelmeeus cleere(n) hen seggen(de) momboe(re)n vande(n)/
voirs(creven) kinde(re)n mette(n) selve(n) kinde(re)n come(n) sijn voir meye(r) en(de) scepen(en) van/
loeven(e) beghe(re)nde de voirs(creven) pande met rechte te verantw(er)dene bringen(de)/
de voirs(creven) ii kynde(re)n ald(air) inde(n) rechte Ende p(rese)nterende voort sij selve/
oic inne te staene voir tghene des gewese(n) zoude wordde(n) ende/
voir tghene dat de voirs(creven) henrick de hollande(re) met eene(n) gedinghe/
zoude moge(n) gestaen ende de voirs(creven) henr(ick) de hollande(re) dair op zeke(re)/
calangie(n) ghemaect hadde welk(er) calangie(n) nochtans niet wed(er)staen(de)/
vonnislijken ghewijst was dat de voirs(creven) woute(r) en(de) barth(elmeeus) voort/
vare(n) moghe(n) opde p(rese)ntacie die sij ghep(rese)nteert hebbe(n) Soe es nae/
dese(n) de voirs(creven) henrick voort gheva(r)en opde voirs(creven) afgepande goede/
pande seggen(de) dat sijn vorde(re)n voe(r) ende hij nae opden voirs(creven)/
hoff ghehadt ende ghehave(n) hebbe(n) ix l(i)b(ra) xii s(chellingen) borsgelt erfs/
chijs ende rinte(n) als hue(re)n p(ro)pren erfchijs ende die hadde hij noch dair/
aene als sine(n) p(ro)pren erfchijs biedende dat te thonen(e) en(de) mette(n) minste(n) (et)c(etera)/
Ende oft hem dat d te cranck wa(r)e soe boodt hij dair af te doene sijn/
behoudt als recht alsoe dat ten uut(er)sten van desen vonnislijke(n) ghewijst/
was soewaer henrick de hollande(re) sijn behoudt dade ghelijck hij/
ghep(rese)nteert hadde dat hem sine(n) chijs aen de voirs(creven) goede volghen/
zoude Ende nae dien dat zeke(re) daghe van rechte hier nae ov(er)streke(n)/
sijn zonder dien dat de voirs(creven) henrick in rechte come(n) es o(m)me sijn/
behoudt te doene ende hem dair nae van nuus op hede(n) dach van/
rechte bescheyde(n) es o(m)me sijn voirs(creven) behoudt te doene ghelijck/
dat dat ope(n)bairlijken inden rechte ghethoent was Soe es ut(er)lijken/
ghewijst soe wair de voirs(creven) henr(ick) ten opstaene smeyers en(de) scepen(en) met sine(n)/
behoude niet voort en voere nocht dat niet en dade als recht dat hij da(n)/
van dien versteke(n) sal sijn en(de) blive(n) en(de) de selve h(ere)n meye(r) en(de) scep(enen) ende/
tgerechte es opgestaen en(de) met rechte verdaeght zond(er) de(n) voirs(creven) henr(icke)/
dair toe yet te doene cor(am) lyeminghen vyncke cok(eroul) oud(erogghe) dec(embris) iiii[ta]
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus