SAL8133, Act: V°161.3 (293 of 482)
Search Act
previous | next
Act V°161.3  
Act
Date: 1463-01-31

Transcription

2020-06-05 by myriam bols
It(em) jan stamelaert stroedecke(r) wonen(de) te holsbeke in p(rese)nc(ia) heeft ghehuert en(de) bekent/
dat hij gehuert heeft teghe(n) gielijse zoete(n) en(de) lijsbette(n) vand(er) strate(n) sijnre huysvrouwe(n)/
een stuck beempts gheheete(n) tonghesken houden(de) i boend(er) paulo gelege(n) te holsbeke/
aen der bergherstrate(n) tussche(n) de goede steven(e) smachts ende de goede tcloest(er)s/
van vrouwe(n)p(er)ke Te houden(e) en(de) te hebbene van opde(n) dach van hede(n) eenen/
t(er)mijn van tweelff jaire(n) langk due(re)nde deen nae dande(r) zond(er) myddel/
volgende elcx jairs dae(re)n bynne(n) voe(r) en(de) o(m)me xxx st(uvers) alle jaire ts(in)te/
martensmisse te bet(alen) en(de) te loven(e) los ende vry vand(er) bede(n) ons gened(ichs)/
she(re)n th(er)toghe(n) te leve(re)ne den voirs(creven) ghehuyssche(n) den voirs(creven) t(er)mijn due(re)nde/
quil(ibe)t ass(ecutu)[m] Op alsulken vurw(er)de dat de voirs(creven) jan stamelaert ghehouden/
sall sijn den voirs(creven) t(er)mijn due(re)nde de wat(er)loepe vanden voirs(creven) beempde te houden(e)/
ende te vagen(e) op sine(n) cost ende de willighe(n) die opde(n) selve(n) beempt staen/
sal de selve jan ghehoude(n) sijn te(n) behoirlijken tijde te trunckene ende de/
poete(n) dair af comen(de) opden voirs(creven) beempt ten meeste(n) p(ro)fijte te settene/
en(de) metten loeke den selve(n) beempt vermaken cor(am) vyncke cok(eroul) januarii/
ulti(m)a
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus