It(em) ysabele weduwe jans wijle(n) van oucle met hue(re)n momboir/ heeft opged(ra)gen met recht(er) v(er)tienissen huer tocht die sij heeft/ en(de) houden(de) is in een huys met eene(n) doerweghe en(de) mette(n) hove d(aer)/ toebehoren(de) en(de) met sine(n) toebehoirten gelegen op duylake over/ die nuwebrugge tusschen den hof goessens wijlen van oucle/ indeen zijde en(de) die huysinge mette(n) hove d(er) vors(creven) ysabeele(n) d(aer)/ neve(n) gelegen aen dand(er) zijde hem strecken(de) den vors(creven) hof acht(er)w(er)t/ totte(n) streetkene ald(aer) gaen(de) t(er) dilen weert gelijkerwijs de vors(creven)/ goede vanden goeden der vors(creven) ysabelen d(aer) neve(n) gelege(n) met zeke(re)n/ traelgien en(de) palen v(er)scheiden sijn En(de) der vors(creven) ysabele(n) d(aer) uut
//
gedaen sijnde so es inderflicheit vand(er) vors(creven) tocht gegoet ende/ gegicht henric vand(er) saert m(ar)griete van oucle sijn wijff gheert/ meermans en(de) marie van oucle sijn wijff sust(er) d(er) vors(creven) m(ar)griete(n)/ kinde(re) d(er) vors(creven) ysabele(n) en(de) des vors(creven) wijle(n) jans van oucle bij orlove/ en(de) manisse sh(ere)n vanden gronde en(de) wijsdo(m)me d(er) scepen(en) En(de) dat/ gedaen en(de) tocht en(de) erve v(er)gadert sijnde hebbe(n) de vors(creven) henric/ vand(er) saert m(ar)griete van oucle sijn wijff gheert meermans/ en(de) marie van oucle sijn wijff die erflich(eit) vanden vors(creven) goeden/ opgedragen in handen she(re)n vanden gronde behoerlic d(aer) op v(er)tiende/ en(de) hen d(aer) nae met rechte uutgedaen en(de) uutgewijst sijnde soe/ es d(aer) inne gegoet en(de) geerft jan die leeu wijng(ar)de(r) sone/ wijlen henrix bij orlove en(de) manisse(n) sh(ere)n vanden gronde en(de)/ wijsdo(m)me der scepen(en) op de erfvurw(er)de(n) en(de) (con)dicien hier ond(er)/ besc(reven) Te wetene inden iersten dat de vors(creven) ysabeele/ en(de) huer kinde(re) en(de) hue(r) naecomelingen tot ewigen dagen hebbe(n)/ en(de) behouden sullen hue(re)n osendrup van hue(re)n vors(creven) huysingen/ opde vors(creven) goede des vors(creven) jans die leeu gelijc de selve huysinge/ dien ald(aer) tot nu toe gehadt hebben en(de) opden dach van hede(n)/ hebben It(em) dat de selve weduwe met en(de) hue(r) kinde(re) tot ewigen/ daghen voir hen hue(re)n erfg(enamen) en(de) naec(omelingen) hebbe(n) sulle(n) en(de) behouden/ hue(re)n wech gaens en(de) keerens uut hue(re)n vors(creven) huysingen uutcomen(de)/ inder doerwech vors(creven) ind(er) breidden van iiii(½) voete(n) en(de) eenen duyme/ en(de) ind(er) selver breidden voirt gaen(de) totten uut(er)sten ynde vanden selven/ hue(re)n huysingen o(m)me ov(er) en(de) dore den selven doerwech te gane/ en(de) te comene tot hue(re)n hove en(de) goeden vors(creven) acht(er) de selve/ huer huysinge geleg(en) Welken doerwech ind(er) selve(r) breidden/ en(de) linghden ombeti(m)merde en(de) ombeco(m)merde plaetse bliven sal/ ende ten ynde vanden vanden selven hue(re)n huysingen sullen/ de vors(creven) wed(uw)[e] en(de) huer kinde(re) doen make(n) een porte o(m)me/ daer dore totten vors(creven) hue(re)n goeden te comene welke/ poerte sij tot ewige(n) dagen sond(er) des vors(creven) jans die leeu/ cost houden sullen uutgesceiden den eene(n) stijl vanden ii stilen
//
d(aer) die vors(creven) porte aenhangen sal te wetene den ghene(n) die/ staen sal ten erve wert aen des vors(creven) jans sleeus den welken/ de vors(creven) jan selve jan die leeu voe(r) deen helicht en(de) de/ weduwe met hue(re)n kind(ere)n voir dand(er) helicht tot ewigen/ dagen in goeden state en(de) wesene houden sullen En(de) oft den/ vors(creven) janne die leeu in tgene dat vors(creven) steet iet te nauwe/ geschiet wa(r)e dat hebben de vors(creven) p(er)sonen te wetene ysabele/ vand(er) tocht henric vand(er) saert m(ar)griete van oucle sijn wijff/ gheert meermans en(de) marie van oucle sijn wijff als vand(er)/ erflich(eit) d(er) vorg(eruerde) goeden geloeft den selve(n) janne de leeu/ tot sijnre manissen altoes geloeft te voldoene en(de) de vors(creven)/ goede op iiii stuv(er)s erfchijs oft de weerde d(aer) af in and(ere)n chijse/ als voir alle laste(n) letselen co(m)me(re)n en(de) calaengien voirdaen te/ warande(re)n alsoe dat dat den selven ja(n)ne de leeu tot ewige(n)/ daghen vast en(de) zeker sijn moeghe Geloven(de) voert de/ selve ysabele henric vand(er) saert m(ar)griete sijn wijff gheert/ meermans en(de) marie sijn wijff indien te hebbene en(de)/ te v(er)vane h(er) janne van oucle prieste(r) sone der selv(er) ysabele(n)/ en(de) brued(er) d(er) vors(creven) gesust(ere)n nu af absent wesende soe/ wa(n)neer hij te loven(e) come(n) sal sijn dat hij da(n) ter/ manissen des vors(creven) jans de leeu vandes vors(creven) is genoech doen/ sal alsoe v(er)re hem dat aengaet alsoe dat dat de(n) selven/ janne de leeu vast en(de) genoech sijn moege En(de) es opp(enbaerlic)?/ ond(er)sproken oft de vors(creven) goede in toec(omende) tijden bevonde(n) worden/ met rechte meer chijs dan vors(creven) is sculd(ich) te sine dat de/ vors(creven) jan die leeu sijn erve(n) en(de) naec(omelingen) dien uuten vors(creven) goede(n)/ sculdich sijn sullen te betalene Behoud(elic) dat de vors(creven) wed(uwe)/ en(de) huer kinde(re) huer erve(n) en(de) naec(omelingen) voir die(n) chijs betalen/ en(de) gelden sulle(n) voir elke(n) d(enier) xviii gelik(en) pe(n)ni(n)ge met/ welke(n) pe(n)ni(n)gen de vors(creven) jan de leeu sijn erve(n) en(de) naec(omelingen)/ sculd(ich) sijn sulle(n) (con)tent en(de) te vreden te wesene niet wed(er)staen(de)/ d(er) geluften van warandeerscape vors(creven) cor(am) witte vync/ febr(uarii) xxvi