It(em) ter meerd(er) vestich(eit) den voirs(creven) janne boxho(r)en en(de) sine(n) zone van des/ voirs(creven) es te doene soe sijn bij handen jans sconincx vorst(er)s te loven(e)/ vanden voirs(creven) jannese den clerck den voirs(creven) janne boxhore(n) tot behoef/ van he(m) selve(n) en(de) tot behoef zijns zoens voirs(creven) en(de) voir tvoldoen der voirs(creven)/ brieve(n) verobligeert te weten(e) xxxv p(er)len van ghetale weghende(n)/ tsame(n) mette(n) drade dair sij inne hanghe(n) tschaers ix(½) inghelsche Te/ dien eynde gheburdet den voirs(creven) vad(er) en(de) zone in toecomen(de) tijde(n) inder [betalinge d(er)] voirs(creven)/ lijftochte(n) oft bewijsenisse(n) der selv(er) enich ghebreck te hebbene soe zulle(n) zij oft/ yemant and(er)s recht inde voirs(creven) lijftochte hebbende huer gebreck aen de voirs(creven)
//
juweele(n) verhale(n) ende die vercoepe(n) voir alsulken prijs als e(n)nich goutsmet/ oft juwelier inder stad van lov(ene) d(aer) voe(r) sal wille(n) geve(n) ende d(aer) mede gestaen/ en(de) oft ov(er) tgebreck yet ov(er) schote dat soude(n) sij den voirs(creven) jannese wed(er)ke(re)n/ en(de) oft d(aer) yet ghebrake dat soude(n) sij met hue(re)n scep(enen) brieve v(er)hale(n) cor(am) eisd(em)