SAL8133, Act: V°28.2 (41 of 475)
Search Act
previous | next
Act V°28.2  
Act
Date: 1462-07-29

Transcription

2019-10-11 by myriam bols
It(em) henrick noel van tourbisoul in p(rese)nc(ia) vrancx willem(air) als burg(er)meest(er)/
heeft ghekint en(de) ghelijt dat hij in alle die gheheele goede die bij/
den voirman joffr(ouwe) anne(n) die nu wijff es laur(eys) van wynghe oft bijder/
selv(er) joffr(ouwe) anne(n) uutghedacht sijn gheleghe(n) te tourbisoul egheen recht noch/
actie en heeft uut saken van pechtinghe(n) oft and(er)s in e(n)nig(er) manie(re)n dan/
alleene in een huys en(de) hof ald(air) ghelege(n) o(m)me dat te houden(e) alsoe/
langhe dat den selven laureyse ghelieve(n) sal ov(er)geven(de) en(de) (con)senteren(de)/
dat de voirs(creven) laureys soe bij hem selve(n) soe bij sine(n) wynne de voirs(creven)/
goede t(er) stont nae hem sal trecken en(de) die wynne(n) ende werve(n) ghelijck/
reghenoete(n) sine(n) p(ro)pren goede(n) Heeft voort geconsenteert en(de) ov(er)gegeve(n)/
alse vande(n) vruchte(n) nu opde voirs(creven) goede staen(de) dat die he(r)e vand(er)/
plaetsse(n) de vruchte(n) van iii boende(re)n lants bevrucht staen(de) met rogge/
ghelege(n) opt velt bove(n) de to(m)me van ghlymez sal inne doen/
tot behoeft van laureyse voirs(creven) o(m)me hem d(air) ane te verhalen(e) vii/
lichte gul(den) en(de) iiii mudde(n) corens p(er)weys(er) mate(n) behoudelick tgene/
des h(ier) ov(er) schiete(n) en(de) wassen sal bove(n) coste(n) en(de) oic de vruchte(n) vande(n)/
ande(re)n lande dan vande(n) iii boende(re)n voirs(creven) staen(de) volgen zullen/
den voirs(creven) henricke noel julii xxix
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus