SAL8133, Act: V°87.2 (144 of 475)
Search Act
previous | next
Act V°87.2  
Act
Date: 1462-10-17

Transcription

2019-10-18 by myriam bols
It(em) nae dien dat come(n) sijn voir den raide vander stad arnt/
lambrechts in deen zijde ende henrick stockelpot in dand(er) zijde/
alse vander questien die sij und(er)linghe hadde(n) te weten(e) van eene(n)/
huyse ende hove met sine(n) toebehoirte(n) ghelege(n) opde biest bijde ca(m)me/
henricx stockelpots voirs(creven) dwelc de voirs(creven) arnt tsege(n) den selve(n)/
henricke gecocht hadde op alsulk(er) vurw(er)den oft de selve arnt e(n)nige(n)/
cost dade van ty(m)merage(n) oft and(er)s aen tvoirs(creven) huys en(de) tselve/
huys hem van nad(er)scape ontquete(n) wordde dat in dien ghevalle/
de voirs(creven) henr(ick) hem die aenghelede coste(n) betale(n) ende restitue(re)n/
zoude Ende oic nae dien dat de tvoirs(creven) huys den voirs(creven) arnde/
ontqueten es en(de) de selve arnt ghethoent heeft de vurw(er)den voirs(creven)/
soe es ghet(er)mineert dat de voirs(creven) henrick stockelpot ghehoude(n)/
sal sijn den voirs(creven) arnde te betalen(e) en(de) te restitue(re)ne alsulke(n) coste(n) als/
de selve arnt aen tvoirs(creven) huys gheleet heeft cor(am) kersmake(re) willem(air)/
burg(imagistris) (et) aliis de consilio oct(obris) xvii
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus