It(em) vanden stoete die opverstaen ende verresen es gheweest tusschen/ de(n) minist(er) en(de) convent des huys van s(in)te pauwels te loven(e) van weghe(n)/ desselfs huys in deen zijde woute(re)n de becke(re) en(de) berthel cleren inden/ name ende van weghen vanden wettighen kynde(re)n henricx wijle(n) mottema(n)/ ond(er) huer daghe sijnde de welke sij in desen op hen ghenome(n) hebbe(n)/ en(de) ghelooft te vervane inde tweeste zijde ende m(ar)griete sjoede(n) wed(uwe)/ wout(er)s wijlen vullincx na(tur)lijke docht(er) jans wijlen de joede inden name/ huers selfs ende van weghen jasp(er) vullincx huers zoens ond(er) sijn/ daghe sijnde den welken sij ende jan vullincx huer swag(er) in desen/ ghelooft hebben te vervaene en(de) op hen ghenome(n) inde derde zijde/ Alse vander betalinghe(n) en(de) der der groetssinge(n) der porcie(n) dair mede/ elcx goede h(ier) nae besc(re)ven schuld(ich) soude(n) sijn belast te zijne van eene(n)/ rinsschen gulden(en) erfflick die m(ar)griete wijlen vanden hove met/(con)sente jans wijlen sjoeden huers mans in testamente gemaect en(de) gelate(n)/ heeft der fabriken van sinte peet(er)s te lov(ene) in behulp en(de) meerd(er)nisse(n) vand(en)/ love van ons(er) liev(er) vrouwe(n) ind(er) kercken van sinte peet(er)s te loven(e) voirs(creven)/ aen ende op de goede h(ier) nae besc(re)ve(n) die wa(r)en des voirs(creven) wijlen jans/ sjoede(n) ende wijle(n) m(ar)griete(n) vande(n) hove sijns wijfs die nu de voirs(creven)/ p(ar)tijen in ongheliken groetten ende van onghelijken weerde(n) besitten(de) sijn/ It(em) inden yerste(n) aen ende op een huys gheheete(n) den blaesberch metter/ perssen ende metten ande(re)n sine(n) toebehoirte(n) gheleghe(n) inde leghelstrate/ It(em) aen en(de) op een hoff gheheete(n) den kykelsbog(ar)t als nu toebehoren(de)/ d(er) voirs(creven) m(ar)g(rie)[te(n)] en(de) jasp(ere)n hue(re)n zone It(em) aen en(de) op eene(n) hoff geheete(n)/ den raemhoff gheleghen inde bakeleyne den voirs(creven) huyse van sinte/ pauwels toebehoren(de) It(em) aen en(de) op eene(n) hoff mette(n) wijng(ar)de dair/ toebehoren(de) gheleghe(n) buyten der borchporte(n) te lov(ene) den voirs(creven) kynde(re)n/ mottens toebehoren(de) Sijn de voirs(creven) p(ar)tije(n) come(n) voir scep(enen) van lov(ene)/ en(de) hebben hen vande(n) voirs(creven) stoete ghekeert en(de) ghesubmitteert in/ segghe(re)n en(de) vrientlic yffene(re)n te weten(e) de voirs(creven) meest(er) en(de) convent/ van weghe(n) des voirs(creven) huys met consente van lodewijken roelants/ huers momboirs in jacoppe van scaffene(n) de voirs(creven) wout(er)/ de becke(re) en(de) machiele [berthel] van weghe(n) der kynde(re) voirs(creven) in janne van kessele/ ende de voirs(creven) m(ar)griete sjoede(n) van weghe(n) huers selfs en(de) van weghen/ jasp(er)s huers zoens in henricke van rode alle oeftmeng(er)s In alsulker/ vueghen ende manie(re)n dat de voirs(creven) segghe(re)n van elker p(ar)tijen bescheyde
//
gheinformeert sijnde huer seggen af eendrechtelic uutsegghen/ ende p(ro)nu(n)cie(re)n zullen tussche dit en(de) van heden ov(er) viii daghen/ naistc(omende) metter sonne(n) P(ro)mitten(tes) rat(um) cor(am) roelofs ouder(ogghe) junii xx