It(em) jan vanden nijpe in p(rese)ncia heeft ghekent ende ghelijt/ tot behoef he(re)n jans kympe priest(er)s jacops wittemans jans/ vand(er) bueken ende henricx van nuwerode Dat hoewale/ hij tande(re)n tijden te weten(e) int jair onss he(re)n xiiii[c] lx thiene/ daghe in septembri de(n) voirs(creven) iiii p(er)soene(n) ende aerde vand(er)/ hulst voir scepen(en) van velthem ghegoeydt heeft in alle(n)/ sijn goede inde p(ro)chie van velthem ghelegen int dertbrugghe/ ende ind(er) selv(er) guedinghen ondersproken ende bevurw(er)t soe wa(n)neer/ hij de(n) voirs(creven) p(er)soene(n) ghelooft soude hebben ende onthave(n) van xl/ croene(n) dair voe(r) sij voir hem borghe stonden dat dan de voirs(creven)/ guedinghe ende de brieve dair op ghemaect te nyeute souden/ sijn ende alsdan de voirs(creven) p(er)soene(n) negheen recht meer hebben/ en soude(n) inde voirs(creven) goede Soe heeft nu de voirs(creven) jan vanden/ nijpe tot behoef der vors(creven) iiii p(er)soene(n) Te weten(e) h(ere)n jans kympe/ jacops wittemans jans vand(er) bueken en(de) henricx van nuwerode/ de vurw(er)de ende ondersprekenghe vorscr(even) ind(er) vors(creven) guedinghen/ quijtgheschouden ende dier gheheelick afghegaen tot dyer/ meyninghen dat de selve (con)dicie inden brieve(n) der scepen(en)/ van velthem beg(ri)pen den selve(n) iiii p(er)soene(n) negheen hynder noch/ p(re)judijs doen en sal noch moghen doen o(m)me des te myn de/ voirs(creven) goede als erfliede ende als hue(re)r eyghen p(ro)pre goede(n) te besetten(e) te houden(e)/ te possesseren(e) ende te hantplichten(e) nae hue(re)n vryen wille Gheloven(de)/ de selve jan t(er) meerder vesticheit van desen ter manissen der/ selver iiii p(er)soenen aut alt(er)ius te come(n) voir hoff ende hee(re) en(de)/ hen inde selve goede zond(er) (con)dicie te goeden ende te erve(n) alsoe/ dat he(m) dat voir hen hue(re)n oiren erfghenamen ende naecomelinge(n)/ tot ewighen daghen vast ende ghenoech sall moghen wesen/ cor(am) borch(oven) langrode februarii xii