It(em) nae dien dat de kinde(re) joerdens vand(er) schout begonne(n) hadde(n) te p(ro)cede(re)n/ voir den scouth(eit) va(n) peelant sine(n) stadhoud(er) tot bakel en(de) de(n) scepen(en) tot bakel/ op robbeert cnape en(de) gehuerde bode des vors(creven) joerdaens alse va(n) alsulk(er)/ opticht als de selve kinde(re) den vors(creven) robbeerte opleggen(de) ware(n) uut/ ocs(uyne) va(n) dienste die de vors(creven) robb(er)t de(n) vors(creven) joerdane sine(n) meest(er) in/ afhouwene va(n) houte gedae(n) soude hebbe(n) En(de) de vors(creven) joerdae(n) poert(er) d(er)/ stat va(n) loeven(en) aende stat va(n) lov(en) verworve(n) hadde brieve o(m)me de(n)/ vors(creven) robbeerte als sine(n) gehuerde(n) cnape en(de) bode vors(creven) te v(er)antwerde(n) en(de)/ d(aer) tege(n) hadde doen den vors(creven) kind(ere)n dach betekene(n) voir meye(r) en(de) scepen(en)/ va(n) lov(en) als op hede(n) te mistide Ald(aer) de vors(creven) robb(er)t joerdae(n) noch robbeert/ come(n) en sijn soe hebbe(n) de scepen(en) va(n) lov(en) t(er) manisse(n) smeyers gewijst/ voir een vo(n)nisse dat de vors(creven) kinde(re) svors(creven) joerdens voert vae(ren) moge(n)/ t(er) plaetse(n) d(aer) sij begonne(n) hadde(n) cor(am) kers(makere) roel(ants) willem(air) langr(ode) v(er)trijke/ m(ar)tii xxvii