It(em) jan de coninck zone gielijs de coninck van meltbroeck in p(rese)nc(ia) heeft mechtich/ ghemaect zonder wederroepe(n) janne vanden moirte(re) nu t(er) tijt meye(r) van piercke en(de)/(christ)iane vand(er) moelen ende elcken van hen bezund(er)t o(m)me inde(n) name van hem met/ rechte te v(er)volgen(e) oft mynlick te beslichten(e) in aenlegghers oft v(er)weerde(re)s stad/ alsulken zaken van gheschille als hij uutstaen(de) heeft jeghen willem(me) p(ate)r n(oste)r ende
//
janne van maerbeke na(tur)lic te samen oft besundert te wat steden oft/ plaetsen dat dat sijn mach oft ghebue(re)n soude moghe(n) aengaen(de) der eme(n)de(n)/ ende bet(er)nissen die den voirs(creven) janne de(n) coninck schuld(ich) sijn ghedaen te/ wordden(e) uutsaken van alsulken handelinghe(n) en(de) quetsue(re)n die de vors(creven)/ willem en(de) jan van maerbeke te same(n) oft bezund(er)t aenden voirs(creven) ja(n)ne/ den coninck begaen en(de) voortghekeert hebben Gheloven(de) de voirs(creven)/ jan de coninck goet vast ghestentich ende van weerde(n) wes de voirs(creven)/ p(ro)cur(eur)s oft deen van hen dair inne doen oft vorde(re)n zulle(n) in alre vuege(n)/ ende manie(re)n oft de vors(creven) jan de coninck d(er)dair selve teghew(or)dich sijnde/ ghedaen hadde cor(am) meld(er)t borchove(n) m(ar)cii xii