It(em) es de vors(creven) schoutbrief en(de) v(er)ond(er)pendinge d(er) goeden voirscr(even)/ gedaen tot deser meyni(n)gen oft de vors(creven) daneel gepraemt wordde/ van alsulk(er) obligacien en(de) geluften als de selve daneel als borge/ roelofs boxhorens sijns brued(er)s vors(creven) gedaen heeft aen jonch(e)r liebrechte/ van meld(er)t en(de) aen ja(n)ne vand(er) borch en(de) loenise van udekem/ als van xxvii gul(denen) rijd(er)s d(er) mu(n)ten ons gened(ichs) h(ere)n ts(er)toge(n) lijfpens(ien)/ ten live jonch(e)r liebrechts vors(creven) half opden iersten dach van aprille/ en(de) half opden iersten dach va(n) oct(ober) te bet(alen) dat de selve daneel/ hem van dier prami(n)gen sal mogen v(er)richten aende goede vors(creven) oft/ aenden p(er)soen roelofs vors(creven) oft aen sijn ande(re) goede d(aer) aen hem/ dat best en(de) gereets sal diene(n) En(de) den selve(n) daneele vand(er)/ selv(er) obligacien en(de) gelufte(n) geheelic ontlast sijnde en(de) he met/ alle coste en(de) co(m)me(r) soe sulle(n) de vors(creven) roelof en(de) sijn vors(creven)/ goede h(ier) af ontlast sijn en(de) bliven cor(am) eisd(em)