H(er) jo(hannes) dylle(n)/ It(em) jorijs van udekem in p(rese)nc(ia) heeft gelooft girarde dymenche/ alse van alsulke(n) scep(enen) br(ieven) van lov(ene) als de selve jor(ijs) opden voirs(creven) girarde/ dymenche met meer ande(re)n p(er)soene(n) spreken(de) heeft van xx rijd(er)s eens te/ bet(alen) vand(er) dat(en) duysentvierhond(er)t lxii xiii daghe in meye dat/ hij den selve(n) girarde noch sine(n) erfgename(n) noch naecomelinge(n) noch/ huer goede uut ocsuyne vande(n) selve(n) xx rijd(er)s e(m)mermeer aenspreke(n)/ prame(n) noch laste(n) en sal noch oic de(n) selve(n) scep(enen) br(ieven) in toecomen(de) tijde(n)/ nyeman(de) voort ov(er)geve(n) die den selve(n) girarde d(aer)mede soude moge(n) p(ra)me(n)/ oft belaste(n) in e(n)nig(er) manie(re)n en(de) de(n) selve(n) girarde inne te stane en(de) warant/ te zijne tege(n) eene(n)yegelijken dat hij en(de) sijn erfgename(n) en(de) naecomelinge(n)/ d(aer)af tot ewege(n) daghe(n) ongelast [sijn] zulle(n) [en(de)] blive(n) cor(am) eisd(em)