It(em) de vors(creven) peet(er) de hont heeft oppenbarlic bekint ende/ gelijt dat hem bijd(er) vors(creven) katlinen rijpelmans inde(n) name en(de)/ van weghen des vors(creven) willekens huers soens de voirs(creven)/ quetsue(re)n met ald(er) mesdaet die d(aer) aen cleeft oft mids sijnre/ doot d(aer) uut volghen mochten volcomelic en(de) al gebetert/ sijn en(de) v(er)soent alsoe dat hij d(aer) af wel (con)tent en(de) te vreden/ is Scelden(de) d(aer) af en(de) van alder mesdaet vors(creven) die de selve/ willeke(n) aen hem begaen mocht hebben volcomelic quijt geloven(de)/ hem uut ocx(uyne) des vors(creven) is ne(m)m(er)meer aen te spreken te moeyen/ noch te vexe(re)n bij hem nocht bij nyeman(de) and(er)s in ghene(n) rechte/ geestelic noch weerlic in enig(er) manie(re)n cor(am) eisd(em)