SAL8136, Act: V°110.1-R°111.1 (149 of 413)
Search Act
previous | next
Act V°110.1-R°111.1  
Act
Date: 1466-12-01

Transcription

2020-04-26 by myriam bols
It(em) jan van vorst sone wile(n) jans en(de) m(ar)griete vande(n) beemde sijn wijff/
wonen(de) te roesbeke in p(rese)nc(ia) d(er) scepen(en) van loeven(e) gestaen hebbe(n) genome(n)/
en(de) bekint dat sij genome(n) hebben van weyne sterx als rintmeest(er) en(de)/
p(ro)cur(eur) des cloest(er)s va(n) vileer inde(n) name en(de) va(n) weghe(n) desselfs goidshuys/
die wat(er)moele(n) mette(n) huyse(n) hove(n) en(de) mette(n) mole(n)beemde d(aer) toe be/
hoe(re)nde uu en(de) alle(n) and(ere)n sine(n) toebehoerte(n) [den vors(creven) cloeste(r) toebehoe(re)nde] uutgesceide(n) thuys vand(er)/
slachmoele(n) gelege(n) ov(er) dand(er) zijde vanden wate(r) d(aer) inne de vors(creven)/
wynne egeen recht inne en hebbe(n) noch en behoude(n) gelege(n) te roesbeke/
Te houden en(de) te hebbene van kers(misse) naestcomen(de) eene(n) t(er)mijn va(n) vi ja(r)en/
lang due(re)nde deen nae dand(er) sond(er) middel volgen(de) elx jaers dae(re)n bi(n)ne(n)/
voe(r) en(de) o(m)me xxiiii sacke(n) harts corens goet en(de) paiabel d(er) mate(n) va(n)/
thiene(n) en(de) xii stuv(er)s d(er) mu(n)te(n) ons gened(ichs) h(ere)n ts(er)toge(n) va(n) burg(oig)[ne(n)] en(de)/
va(n) brabant te wete(n) alle iii maenden deen viere(n)deel [beide] vande(n) coerne/
en(de) stuv(er)s te bet(alen) den vors(creven) cloeste(r) oft sine(n) rintm(eeste)r bij tijde(n) sijnde jarlix/
den vors(creven) t(er)mijn due(re)nde q(uolibet) ass(ecutu)[m] opde vurw(er)d(en) en(de) (con)dicie(n) h(ier) ond(er) bescr(even)/
Inden ierste(n) dat de vors(creven) wynne(n) dwat(er) gehete(n) die velpe jairlix hue(re)n/
t(er)mijn due(re)nde ruyme(n) en(de) vage(n) sulle(n) op hue(re)n cost tot opde(n) oude(n) bodem/
behoud(elic) oft gebode va(n) ons gened(ichs) h(ere)n wege(n) quame(n) o(m)me de selve/
velpe te wijdene oft af te steke(n) dat de vors(creven) wi(n)ne d(aer) inne niet/
gehoude(n) sijn en sulle(n) It(em) sulle(n) de selve wynne(n) de vors(creven) huysinge/
vand(er) moele(n) op hue(re)n cost jarlix hue(re)n t(er)mijn due(re)nde houde(n) wel en(de)/
loflic vand(er) ond(er)ster rikele(n) ned(er)wert in goede(n) state uutgenomen/
tege(n) dwat(er) d(aer) inne de selve wi(n)ne(n) niet gehouden en sijn It(em) de selve/
wynne(n) sulle(n) moge(n) truncke(n) alle de willige(n) staen(de) en(de) toebehoren(de) de(n)/
vors(creven) molenbeemde en(de) alle v(er)droeghde willige(n) afhouwe(n) behoud(elic)/
dat sij voir elke v(er)droeghde willige wed(er) o(m)me sette(n) sulle(n)/
ii leve(n)de pote(n) opde(n) selve(n) beemt oft opde(n) wech te(n) meeste(n) p(ro)fijte/
It(em) sulle(n) de selve gehuyssche(n) wynne(n) jairlix hue(re)n t(er)mijn due(re)nde/
ter hue(re)r cost houde(n) den wech van aende vors(creven) moele(n) tot aent/
veken ald(aer) It(em) oft de selve wynne(n) den molensteen vand(er) moele(n)/
mesmoelen oft dand(er) werc d(er) moele(n) toebehoe(re)nde v(er)suemden/
bij hue(re)n toedoene en(de) sculden dat sij die scade de(n) vors(creven) cloeste(r) oprichte(n)/
sullen en(de) d(aer) af genoech doen It(em) dat tvors(creven) cloest(er) en(de) de ghene die
//
he(n) gelieve(n) sulle(n) huer vare(n) en(de) kee(re)n met wagene en(de) p(er)de(n) hebbe(n)/
en(de) behoude(n) sulle(n) ov(er) de(n) molenwech vors(creven) t(er) minst(er) scaden den vors(creven)/
t(er)mijn due(re)nde sond(er) wedersegge(n) d(er) selv(er) wi(n)nen It(em) oft [sulle(n)] tvors(creven)/
cloest(er) in deen zijde en(de) den wynnen in dande(r) zijde va(n) malcande(re)n/
mogen sceiden bynne(n) den ierste(n) iii jaren op dat hen gelieft behoud(elic)/
dat de ghene die scheiden wilt dat den and(ere)n (½) jair te vo(r)en/
condige(n) sall It(em) hebbe(n) voirt geloeft de vors(creven) wynne(n) den vors(creven)/
cloeste(r) en(de) den vors(creven) hue(re)n rintm(eeste)r a(ut) altri te come(n) voir de wet te/
roesbeke en(de) ald(aer) alle huer goede have en(de) vliegenterve [en(de) ande(re)] die sij/
hebbe(n) en(de) bi(n)ne(n) den t(er)mijne vand(er) vors(creven) pechtinge(n) v(er)crige(n) sulle(n)/
voe(r) tvoldoen vand(er) vors(creven) pechtinge(n) wittelic v(er)oblige(re)n Welk(er)/
obligacie(n) nochta(n) niet wed(er)staen(de) [sij] de selve wynne(n) in hue(re)n/
p(er)soene gehoude(n) sijn en(de) gehoude(n) sulle(n) blive(n) voir tvoldoen d(er) selv(er)/
pechtinge(n) o(m)me dat aen hue(re)n p(er)soen oft aende vors(creven) huer goede/
oft v(er)haelt en(de) v(er)richt te moge(n) worde(n) beide vande(n) p(ri)ncipalen/
gebreke(n) en(de) coste va(n) rechte die d(aer) op lope(n) soude(n) mogen cor(am)/
neus(nijdere) vynck dec(embris) p(ri)ma
ContributorsMi-Je Van Gils
Moderated byMi-Je Van Gils
Last update: 2018-08-13 by The Administrator