It(em) de vors(creven) hubrecht de prince vad(er)s des vors(creven) jacops de prince/ heeft den selve(n) jacoppe de prince sine(n) sone de vors(creven) v(½) peet(er)s/ erflic gecocht en(de) de pe(n)ni(n)ge d(aer) voe(r) uutgegeve(n) o(m)me hem die/ vry uut te geve(n) volgene soe schie(re) de selve jacop sijn sone met/ rade va(n) sine(n) vrienden huwelic gedaen sal hebben en(de) dien tijt/ due(re)nde sulle(n) de vors(creven) p(er)sone(n) die theffen hebben inde vors(creven) v(½) peet(er)s/ de jaerlike p(ro)fijte(n) d(aer) af comen(de) bueren en(de) inne heffen en(de) die jarlix/ beke(re)n ten meesten orb(er) en(de) p(ro)fijte des vors(creven) jacops sprince(n) en(de) ter/ meyni(n)gen va(n) dien hebben sij theffen inde selve rinte Met vurw(er)d(en)/ oft de vors(creven) v(½) peet(er)s gequete(n) worden al eer de vors(creven) jacop/ te huwelic getrocke(n) sal sijn datme(n) de pe(n)ni(n)ge d(aer) af comen(de) wed(er)/ o(m)me aenleggen sal in gelike rinten alsoe dicke als dat gebuerde/ behoud(elic) den selve(n) p(er)sone(n) huer heffen d(aer) inne o(m)me die te beke(re)n/ gelijc vors(creven) steet En(de) h(ier) inne oic bevorwert dat so wa(n)neer de selve/ jacop tot huwelic trecke(n) sal dat dan de(n) vors(creven) hubrechte(n) sijne(n) vad(er)/ int geve(n) vanden goeden die hij hem alsda(n) geve(n) sal in huwelike ten/ afslage come(n) tp(ri)ncipael vanden vors(creven) v(½) peet(er)s die goede getax/ eert nae nae gelande dat hij den and(ere)n sine(n) kind(ere)n in huwelike/ gegeve(n) heeft cor(am) eisd(em)