SAL8136, Act: V°202.2 (296 of 416)
Search Act
previous | next
Act V°202.2  
Act
Date: 1467-03-11

Transcription

2020-07-09 by myriam bols
It(em) henrick die brieve(re) gheheeten mu(n)tre in pr(ese)nc(ia) der scepen(en) van loven(e) gestae(n)/
heeft inden name ende tot behoef jans die roede ende gielijs die roede sijns/
zoens ende eens ieghelix and(er)s dien dat aengaen mach oppe(m)bairlick quijtge/
schoude(n) alsulken naederscap als de selve henrick tande(re)n tijden voir den meye(r)/
ende laten jans vande(n) borchove(n) in sine(n) hove tot wet(er)beke gheboden hadde van/
alsulken goede(n) in huysen hove(n) wynnen(de) lande(n) beempde(n) eeusselen bosschen/
ende allen ande(re)n hue(re)n toebehoirte(n) gheleghe(n) inde p(ro)chie van bierbeke/
t(er) plaetsen gheheeten de breempt die ph(ilip)s die brieve(re) sijn brueder h(ere)n/
gielijse de(n) roede v(er)cocht soude hebben soe de selve henrick meynt welke/
goede de selve ph(ilip)s te voe(re)n teghen den selve(n) h(ere)n gielijse ten erfpachte/
ghenome(n) hadde hem bekennen(de) negheen recht van naderscape(n) inde/
selve goede te hebben(e) in e(n)nig(er) manie(re)n Gheloven(de) den voirs(creven) p(er)soene(n)/
dair aff in allen hove(n) ende plaetsen dair dat behoeve(n) sall oft den selve(n)/
p(er)soene(n) soude moghen diene(n) ende gheloven(de) voorts de voirs(creven) henrick die/
als meye(r) des voirs(creven) jans vanden borchove(n) voir ghebreck van chijse desselfs/
jans met daghe ende daeghs rechte opde selve goede gheprocedeert hadde/
tselve inghesedt ende beghonne(n) uut te daghe(n) tot sijnd(er) cost af te doen/
en(de) den ghevallen(en) chijs dair aff te betalen(e) Et t(antu)m cor(am) eisd(em)
ContributorsMi-Je Van Gils
Moderated byMi-Je Van Gils
Last update: 2018-08-13 by The Administrator