SAL8136, Act: V°212.4-R°213.1 (318 of 417)
Search Act
previous | next
Act V°212.4-R°213.1  
Act
Date: 1467-04-04

Transcription

2020-08-21 by myriam bols
It(em) henrick van lynthe(r) in p(rese)nc(ia) heeft ghekint ende ghelijt dat hem/
van janne van buetssele janne van velpe en(de) g(er)truyden van buetssele/
sijnre huysvrouwen ghenoech ghedaen es ende vervult de gelufte/
van warandeerscape alse van iii(½) l(i)b(ra) erfchijs die bevonden sijn en(de) erf(lijc)/
gaende uut ii huysen neve(n) een gheleghe(n) mett(er) poorte(n) voe(r) t(er) strate(n)/
metten huyse bove(n) de selve poerte ende mette(n) huyse acht(er) de selve/
huysinghe(n) gelegen metten hove dair toebehoren(de) en(de) met allen sine(n)
//
toebehoirten toebehorende den voirs(creven) henricke van lynthe(r) gelegen/
inde p(re)deke(re)n strate tusschen de goede yden ballinx ende de goede tcloest(er)s/
vanden p(re)deke(ren) te loven(e) in deen zijde ende de goede jans van velpe/
in dande(r) zijde Welke iii(½) l(i)b(ra) voirs(creven) de rector vanden outare van sinte/
vyakers ind(er) kercken van s(in)te pet(er)s te loven(e) aen de selve goede heeft/
ende houden(de) es boven den chijs ende last dair vore den voirs(creven) henr(icke)/
de voirs(creven) goede bijden voirs(creven) janne van buetssele janne van velpe ende/
g(er)truyde(n) sine(n) wijve en(de) joffr(ouwe) katline(n) wijlen van buetssele gewarandeert/
wa(r)en den selve(n) p(er)soene(n) ende huer goede vanden voirs(creven) iii(½) l(i)b(ra) quijtsch(eldende)/
ende gheloven(de) mett(er) ghelufte(n) van waerscape die uut ocsuyne d(er) voirs(creven)/
iii(½) l(i)b(ra) ne(m)mermeer aen te spreken(e) [(et)c(etera)] cor(am) berghe vyncke april(is) iiii[ta]
ContributorsMi-Je Van Gils
Moderated byMi-Je Van Gils
Last update: 2018-08-13 by The Administrator