SAL8136, Act: V°222.2-R°223.1 (332 of 416)
Search Act
previous | next
Act V°222.2-R°223.1  
Act
Date: 1467-04-18

Transcription

2020-07-25 by myriam bols
Item weyn stercke in p(rese)nc(ia) (et)c(etera) heeft uutghegheve(n) en(de) bekent dat/
hij uutghegeve(n) heeft pete(re)n de greve van daelhem thiene boend(er)/
lants oft dair omtrent gheleghen in seven stucken inde prochie/
van bierbeke ende van velpe dair af dyerste stuck houden(de) vii/
boender es gheheeten den catspoel ende es gheleghen ten heydeke(n)?/
weert dander stucke houden(de) een cleyn boender es gheleghen opt/
beyaers velt tderde stucke houden(de) iii dach(mael) es gheleghe(n) opde(n)/
hoeve(n)berch aende strate It(em) tvierde tstuck houden(de) drie dach(mael)/
es gheleghen opt cleyn veldeken It(em) tvijfste stuck houden(de) ii(½) dach(mael)/
es gheleghe(n) opt lovensche velt It(em) tseste stuck houden(de) een/
dach(mael) es gheleghen opde(n) catspoel aen jehanne(n) sruysschen hoff/
Ende tsevenste tstuck houden(de) (½) dach(mael) es gheleghen bijden hove/
der voirs(creven) jehanne(n) Te houden(e) te hebben(e) ende te wynnen(e)/
van s(in)te denijsmisse naestc(omende) eene(n) t(er)mijn van xii jairen/
langk due(re)nde deen nae dande(r) zond(er) myddel volghen(de) elcx/
jairs dae(re)nbynnen te weten(e) elck dach(mael) dair aff o(m)me en(de) vore
//
acht molevaten rox goet ende payabel met wa(n)ne/
ende vede(re)n wel bereyt der maten van loven(e) ende pacht/
van velpe alle jaire tsinte andriesmisse apostels te betalen(e)/
ende te leveren(e) Te weten(e) xiiii(½) mudde(n) dair aff te loven(e)/
oft te thiene(n) dair dat den voirs(creven) weyne best ghelieve(n) sal/
ende tsurplus dair aff inde p(ro)chie van bierbeke inden hove/
van velpe alle jaire den voirs(creven) t(er)mijn due(re)nde en(de) telken t(er)mij(n)e/
als vervolghde schout Dair aff dierste betalinghe sijn sall/
van sinte andriesmisse naestc(omende) over een jair ende ende niet eer/
Met vurw(er)den oft der voirs(creven) goede meer oft myn bevonden wordden/
inder maten houden(de) dan voirs(creven) es dat de voirs(creven) wy(n)ne dair/
nae meer ende myn betalen sall altoes gherekent een dach(mael)/
voir viii molevaten Item sal de voirs(creven) wynne jairlix sijne(n)/
t(er)mijn due(re)nde de voirs(creven) goede wel ende loflick wynne(n) werve(n)/
mesten ende besayen op huer ghetijdighe voren ghelijck sinen/
reghenoete(n) bove(n) ende beneden ende de selve goede tot sine(n) afscheyd(en)/
laten brake liggen It(em) en sal de voirs(creven) wynne de voirs(creven) goede/
bynne(n) sine(n) lesten drie jairen niet moghen hoervruchte(n) Ende/
alle dese vurw(er)den heeft ghelooft de voirs(creven) wynne den voirscr(even)/
weyne vast ghestentich en(de) onv(er)brekelick te houde(n) ende te/
voldoene tallen tijden ende t(er)mijne als die vallen sullen q(uolibet) ass(ecutu)[m]/
cor(am) borchove(n) naus(nijdere) aprilis xviii
ContributorsMi-Je Van Gils
Moderated byMi-Je Van Gils
Last update: 2018-08-13 by The Administrator