It(em) henric wynt(er) in p(rese)nc(ia) d(er) scepen(en) van loeven(e) gestaen heeft genomen(n)/ en(de) bekint dat hij genome(n) heeft van janne uuten hove gehete(n) zedele(re)/ een stuc lants houden(de) omtrent een dach(mael) gelijc alst gelege(n) is buyte(n)/ der perckpoerten neve(n) een streetken ald(aer) Te houden te hebben/ en(de) te wynne(n) va(n) half m(er)the lest leden eene(n) t(er)mijn van sesse/ jare(n) lang due(re)nde deen nae dand(er) sond(er) middel volgen(de) elx jaers/ dae(re)n binnen o(m)me en(de) vore xliii stuv(er)s d(er) mu(n)ten ons gened(ichs) he(re)n/ ts(er)togen (et)c(etera) alle ja(r)e s(in)[te] and(ries)misse apostels te bet(alen) den vors(creven) ja(n)ne/ den vors(creven) t(er)mijn due(re)nde q(uolibet) ass(ecutu)[m] It(em) es vurw(er)de dat de vors(creven)/ he(n)ric tvors(creven) stuc lants jarlix sinen t(er)mijn due(re)nde wel en(de) loflic/ wynne(n) en(de) werve(n) sal gelijc sinen regenoeten bove(n) en(de) benede(n)/ en(de) bi(n)nen sine(n) ii lesten jaren sal hijt wel en(de) loflic mesten t(er) g(er)sten/ en(de) bi(n)ne(n) die(n) selven ii jaren d(aer) op hebben een g(er)ste eene(n) rogge/ en(de) een scherwermoes en(de) niet meer Welke vorw(er)d(en) vors(creven)/ heeft geloeft de vors(creven) he(n)ric wynt(er) den vors(creven) ja(n)ne uuten hove/ hove gestentich te houdene en(de) te voldoene cor(am) neusnide(re)/ hoeven julii x