It(em) es de voirs(creven) p(ro)curacie ghemaect tot des(er) meyninghe(n) datme(n)/ dair mede der voirscr(even) joffr(ouwe) katline(n) sal doen volghen alle die/ goede chijsen renten pachten lijfpen(sie) ende ande(re) wair die gelege(n)/ sijn die de voirs(creven) ghehuyssche(n) opde(n) dach van hede(n) houden(de)/ en(de) besitten(de) sijn Behoud(elic) dat van dien goide den voirs(creven)/ adriane aenghevueght sijn te volgen(e) alle alsulke(n) goede als/ hij inden huwelick brachte ende van sijnre zijde(n) come(n) sijn/ ende oic mede de lijfrente(n) h(ier) nae besc(re)ven staen(de) ten live/ der voirs(creven) joffr(ouwe) katline(n) en(de) niet meer te weten(e) alle die/ lijfrente(n) die sij hebbe(n) te duwecheal te wynghe te weerde/ en(de) te floen ende noch v rijd(er)s aen janne den vaul Met/ vurw(er)den dat de voirs(creven) joffr(ouwe) katline jairlix gelden sal alle de/ chijse ende co(m)me(r) uuten voirs(creven) hue(re)n aenghevueghde(n) goeden/ uutgaen(de) ende dat de selve joffr(ouwe) katline de selve huere/ aenghevueghde goede jairlix hebben en(de) behoude(n) sall los vry/ ombelast en(de) onghepraempt van allen schulde(n) ende laste(n) die de/ voirs(creven) adriaen schuld(ich) es oft naemaels schuld(ich) wesen sal/ En(de) oft de selve huer goede uut ocsuyne van alsulke(n) schuld(en)/ e(n)nichsins ghepraempt oft ghelast wordde(n) dat de voirs(creven)/ p(ro)cureurs aut alt(er) dat mett(er) vors(creven) p(ro)curacie(n) voort v(er)reyken
//
ende verhalen zulle(n) aen de voirs(creven) goede en(de) rente(n) den/ voirs(creven) adriane aenghevueght sijnde ende dat der voirs(creven) joffr(ouwe)/ katline(n) voort uutreyken ende doen volghe(n) dair inne de vors(creven)/ adriaen sine(n) ope(n)baren wille ende consent ghedraghe(n) heeft totte(n)/vol[af]doene ende lossinghen van alsulken schaden en(de) laste als hue(r)/ voirs(creven) toeghevueghde goede uut zaken vanden voirs(creven) schulden/ ad(r)iaens voirs(creven) gheleden soude(n) moghen hebben Ende hebben de/ voirg(enoemde) adriaen t(er) eenre en(de) joffr(ouwe) katline(n) t(er) ande(re) elck den ande(re)n/ gheconsenteert ende hier inne bevurw(er)t dat elck van hen met/ sine(n) voirg(eruerde) aenghevueghden goede(n) te vreden sal staen zond(er)/ hem e(n)nichsins des and(er)s goede(n) te bewinden(e) of oic e(n)nich van hen/ cost of last mette(n) ande(re)n te hebben(e) in e(n)nig(er) manie(re)n cor(am) roelofs/ burg(imagistr)[o] meld(er)t vyncke scabinis dec(embris) xxii