Allen den ghene(n) die dese l(ette)ren sulle(n) sien oft hoe(re)n lesen burg(er)meest(eren)/ scepen(en) en(de) raid d(er) stat van loeven(e) saluyt met ke(n)nisse(n) d(er) waerh(eit)/ doen te wetene dat opden dach va(n) hede(n) voir ons come(n) sijn in p(ro)pe(re)n/ p(er)soene jacop vanden poele en(de) juffrouwe marie va(n) maerbeke sijn/ huysvrouwe wed(uwe) berthelmeeus wile(n) de hont En(de) hebbe(n) ge(con)sti/ tueert gesedt en(de) volcome(n) macht gegeve(n) wille(m)me va(n) leefdale/ na(tur)lec en(de) peet(ere)n va(n) mechlen stroedecke(r) en(de) elke(n) besund(er)t alle/ alsulke(n) goede chijsen rinte(n) erfpachte(n) lijfrente(n) jaergulde(n) en(de) sculden d(er)/ vors(creven) joffrouwe marie(n) en(de) va(n) hue(re)n weghen oft hue(re)r zijde(n) gecome(n)/ bynne(n) d(er) stat van loven(e) en(de) d(aer) buyten en(de) elswair binne(n) de(n) lande/ van brabant en(de) men hen sculd(ich) is oft namaels wese(n) sal Te/ rege(re)n te mane(n) teisschene op te bue(re)n en(de) tontfange(n) aen wat goede(n) oft/ p(er)soene(n) oft te wat steden dat dat sijn mach d(aer) voe(r) te panden te/ dagene te beleidene en(de) rastame(n)te te doen leggene nae gewoente/ en(de) costume vand(er) plaetsen d(aer) dat behoe(re)n sal oft behoeve(n) soude moge(n)/ En(de) op dats noot gebuerde voir alle richte(re)n gheestelic en(de)/ weerlic met rechte te v(er)volgene te v(er)antwerd(en) te bescudde(n) en(de)/ te bedingen die te wynne(n) en(de) te v(er)liesen composicie en(de) mynlike/ yffeni(n)ge d(aer) af te makene den sculde(re)n vandes sij ontf(angen) sulle(n)/ quijt te scelden en(de) quitan(cie) te geve(n) en(de) de omberuerlike goede/ der vors(creven) joffr(ouwe) marie(n) eene(n) t(er)mijn van jare(n) uut te geve(n) en(de)/ te v(er)pachten en(de) te v(er)hue(re)n En(de) voirtaen g(e)n(er)alic en(de) specialic alle tgene/ d(aer) inne te doene en(de) te vorde(re)n dat de selve gehuysschen
//
selve soude(n) moge(n) doen waert dat sij tegewordich en(de) voe(r) oghen/ waren P(ro)mitt(entes) rat(um) (et)c(etera) due(re)nde dese vors(creven) p(ro)cu(ra)cie en(de) mechtich(eit)/ totten wed(er)coepe d(er) vors(creven) gehuysschen en(de) niet lang(er) des torconden (et)c(etera)/ febr(uarii) iiii[ta]