It(em) t(er) meerd(er) vestich(eit) van des voirs(creven) es soe sijn in handen andries/ van roesmeers vorst(er)s te lov(ene) [va(n)] den voirs(creven) piertchoen den vors(creven) janne/ van oppendorp tot behoef als voe(r) in handen gesedt et v(er)obigeert/ voir tvoldoen der voirs(creven) lijfrente(n) de juweele(n) h(ier) nae bescreve(n)/ Inden yersten eene(n) zilve(re)n wat(er)pot iiii zilve(re) croesen(e) te same(n) wegen(de)/ iii(½) marct en(de) (½) once ii gulden(en) spanne(n) wegen(de) i once vii(½) est(erlingen)/ int een [vande(n)] spannen gebrect eene(n) steen ii gul(denen) ringhen den eene(n) met/ eene(n) pointe van dyamante ende den ande(re)n een taeffle van dyamante/ weghen(de) te samen beyde viii est(erlingen) Te dyen eynde ghebuerdet
//
den vors(creven) janne van oppendorp sijnre huysvrouwe(n) oft hue(re)n/ kinde(re)n ind(er) betalinghe(n) huer(er) vors(creven) rinten oft bewijsenisse der/ selv(er) ghebreck te hebben(e) ende he(n) mette(n) vors(creven) scepen(en) brieve(n) niet/ en gheliefde te p(ro)cede(re)n soe mochte(n) sij huer gebreck aen de vors(creven)/ zuweele(n) met rechte v(er)halen ende die ten prijse van juwelie(re)n/ hen des v(er)staen(de) v(er)coepe(n) wiesser yet ov(er) dat soude(n) sij wederke(re)n/ ende ghebrake dair yet dat soude(n) sij opde(n) voirs(creven) piertchon en(de) sijn/ ande(re) goede mogen v(er)halen mair altijt mogen sij p(ro)cede(re)n met/ welken behulpe hen dat gelieve(n) sal En(de) oft sij and(er)s v(er)nueght/ wordde(n) dan met v(er)coepen(e) soe sal de vors(creven) jan van oppendorp/ ghehoude(n) sijn den vors(creven) piertchon de vors(creven) zuweele(n) schuld(ich) sijn/ ov(er) te leveren(e) gelijck hij die ontf(angen) heeft cor(am) eisd(em)