Nae dien dat paulinus de davesijs als p(ro)cur(eur) damiani de/ valpono ende joffr(ouwe) katlinen na(tur)lijke docht(er) barthelmeeus wijlen/ madea met zeke(re) scepen(en) brieve(n) spreken(de) van viii crone(n) lijft(ochte)/ ten live des voirs(creven) wijlen barthel(meeus) ende joffr(ouwen) katline(n) sijnre docht(er)/ als nu ende nae de doot des voirs(creven) wijlen barthel(meeus) trecht ghevolght/ hadde op jacope van meensele den jonghen ende op een guld(en)/ ketene weghen(de) vi oncen vii(½) yngelsche met eend(er) bloeme(n) van/ viere dyamanten ende op eene(n) gul(den) aer weghende vijff ende/ soe verre ghep(ro)cedeert dat hij den voirg(enoemende) jacoppen dach van rechte/ bescheeden hadde o(m)me de voirs(creven) scepen(en) brieve metten verloepe van/ drie jairen te v(er)nuegen(e) en(de) te betalen(e) oft aen te ziene de voirs(creven)/ juweelen met rechte te exequeren(e) Soe es nae allen desen/ de voirs(creven) jacop op heden ghecomp(ar)eert voir de scepen(en) onder ghescr(even)/ t(er) eenre zijden ende de voirs(creven) paulinus als p(ro)cur(eur) gelijck voirs(creven) steet/ t(er) ande(re) ende heeft ald(air) ghekint ende ghelijt dat hij de voirs(creven) juweele(n)/ met goutsmede ende juwelie(re)n met rechte heeft doen taxe(re)n dair/ aff de weerde alleene ghedraeght t(er) su(m)men van lxxxvi crone(n) elck/ once gherekent metter bloeme(n) voir x rinssche guld(en) heeft voort/ ghekint hoe dat de voirs(creven) lijftochte verloepen ende v(er)schene(n) was/ xviii in junio totten daghe toe van heden ende want hij dan bevindt/ dat tprincipael vand(er) lijftochte(n) metten v(er)loepe der selv(er) vele hogher/ ghetaxeert dan de weerde vanden juweelen voirs(creven) Soe heeft hem/ de selve jacop dier juweelen afghedraghen ende met matheeuse colcx/ vorste(r) als met rechte ten ynde uut gheexequeert gheheelick/ ov(er)ghelev(er)t cor(am) eisd(em)