It(em) es condicie en(de) vurw(er)de tusschen meest(er) claese voirs(creven) in deen zijde/ ende h(er) symone voirs(creven) in dande(r) zijde dat de voirs(creven) meest(er) claes/ alle de chijse uuten vors(creven) goeden gaende die totten daghe toe van heden/ ghevallen sijn ende die voirt tot sinte jansmisse naestcomen(de) vallen/ ende v(er)schinen zullen zonder cost des voirs(creven) h(er) symoens ghelde(n) [sal] en(de)/ betalen ende de vors(creven) goede dair aff ontheffen ende ontlaste(n) en(de)/ de voirs(creven) h(er) symoen van dan voort ende de voirs(creven) meest(er) claes/ sal ten selve(n) sint jansmisse den voirs(creven) h(er) symone tvoirs(creven) huys met/ allen sine(n) toebehoirte(n) ruyme(n) ende ledeghen uutghescheyde(n) de voute/ bynne(n) shuys ende de nedercame(r) die de voirs(creven) meest(er) claes tot/ bamisse naestc(omende) ghebruyken sall ende sijn gaen ende kee(re)n dien tijt/ due(re)nde behouden over den vloer vanden selve(n) huyse o(m)me totten vors(creven)/ came(re)n te moghen come(n) zond(er) wedersegghen des voirs(creven) h(er) symoens/ cor(am) eisd(em)