Allen den ghene(n) die dese l(ette)ren gethoent sullen worden burg(er)meest(eren)/ scepen(en) en(de) raid d(er) stat van loeven(e) saluyt met ke(n)niss(en) d(er) waerh(eit) doen te/ wetene dat opden dach van heden voir ons comen sijn joffrouwe marie/ en(de) lodewijc uuten lyemi(n)gen kinde(re) gielijs wilen uuten lyemi(n)ghen en(de)/ hebben ald(aer) in behoerlik(er) vormen en(de) manie(re)n soe dat nae recht best/ diene(n) mach en(de) behoe(re)n volcomelic gemechticht gesedt geordineert en(de)/ ge(con)stitueert en(de) met desen l(ette)ren v(er)mechtighen setten ordine(re)n en(de) (con)stitue(re)n/ sond(er) wed(er)roepen matheeuse colx vorste(r) te loven(e) o(m)me alsulke xxx/ rijd(er)s d(er) mu(n)ten ons gened(ichs) he(re)n ts(er)togen van burg(oig)[ne(n)] en(de) van brabant van/ goude goet en(de) ginge jaerlik(er) lijfpens(ien) van dien vijftich rijd(er)s lijfpens(ien)/ half opden xviii[te(n)] dach van octobri en(de) half opden xviii[te(n)] dach d(er) mae(n)t/ van aprille te betalen(e) die de vors(creven) joffr(ouwe) marie en(de) lod(ewijc) tot hue(re)n/ live en(de) ten live des lanxten leven(de) van hen beiden houden(de) sijn aen/ en(de) op zeke(re) goede en(de) ond(er)pande sandraerts van hemptynen hee(re) van soy/ jonch(e)r boud(ewijn) van glijmez hee(re) van bierbays en(de) joffrouwe jeha(n)nen/ sijnre medegeselli(n)nen te thouryn lez oirdon en(de) d(aer) omtrent gelegen en(de) vo(r)e/[de vors(creven) lijfpens(ien)] met scepen(en) brieve(n) van loven(e) v(er)ond(er)p v(er)obligeert en(de) v(er)pant sijnde/ gelikerwijs de selve scep(enen) brieve van loven(e) d(aer) op gemaect int jair xiiii[c]/ xlii in april xviii dage dat volcomelic uutwisen en(de) begripen in/ welke lijfpens(ien) vors(creven) de vors(creven) joffrouwe marie huer heffen heeft Te/ weten xxv rijd(er)s uuten vijftich rijd(er)s vors(creven) die vallen sullen en(de)/ v(er)schine(n) opden xviii[te(n)] dach d(er) mae(n)t van april naestcomen(de) en(de)/ vijf rijd(er)s uute(n) selven vijftich rijd(er)s die vallen sullen opden xviii[te(n)]/ dach d(er) mae(n)t van octobri d(aer) nae volgen(de) Te eysschen te manen/ op te bue(re)n en(de) inne te heffene de possesseurs [en(de) pechteneren] vanden vors(creven) goeden/ en(de) eene(n) iegelike(n) and(er)s dien dat aengae(n) mach quitan(cie) te gevene/ en(de) voir gebrec van bet(aling)[en] d(er) xxx rijd(er)s vors(creven) ten vors(creven) t(er)mijne(n)/vors(creven) v(er)schinen(de) aen en(de) op die goede en(de) ond(er)pande d(er) selv(er) met/ rechte te v(er)volgene en(de) te p(ro)cederen(e) alle t(er)mijne va(n) rechte in/ aenlegg(er)s oft v(er)weerd(er)s stat te houden(e) alle thonisse te p(ro)duce(re)n en(de)/ te leidene en(de) van sijnre wed(er)p(ar)tien te sien p(ro)duce(re)n en(de) hoe(re)n swere(n)
//
die getuyge(n) te calenge(re)n en(de) tegen huer getuygenisse te allige(re)n/ en(de) alle vo(n)nissen en(de) senten(cien) int(er)locuteur en(de) diffinitijff taenhoe(re)n en(de) te/ v(er)wachten en(de) alle ande(re) vorderinge va(n) rechte d(aer) op voerts te kee(re)n/ en(de) die ten ynde uut [met rechte] te v(er)volge(n) en(de) alle tgene d(aer) inne te doene/ en(de) te vordere(n) inde(n) rechte en(de) d(aer) buyten gelijc de vors(creven) joffr(ouwe) marie/ en(de) lod(ewijc) selve doen soude(n) oft doen mochten waert dat sij p(er)sonelic/ tegeword(ich) ware(n) Geloven(de) de vors(creven) joffr(ouwe) marie en(de) lod(ewijc) vast/ en(de) va(n) weerden te houden en(de) te hebbene so wes biden vors(creven) math(eeuse)/ d(aer) inne en(de) des d(aer) aen cleve(n) mach gedaen en(de) gevord(er)t sal wesen/ in enig(er) manie(re)n alle argelist h(ier) inne uutgesceid(en) maii xvi cor(am)/ willem(air) burg(imagistr)[o] neus(nijdere) vync scab(inis)