Het sijn comen in rechte voir meye(r) ende scepen(en) van loven(e) jan/ van winxele in deen zijde en(de) meest(er) augustijn van nethene(n) als p(ro)cur(eur)/ en(de) volcomelick ghemechticht bij joffr(ouwen) vriendelijne(n) van nethene(n) wed(uwe) ottens wijle(n)/ van hoeghstrate(n) zust(er) h(ere)n wout(er)s wijlen van nethene(n) rydd(er)s in dand(er) zijde alse/ van iiii mudden en(de) vi halst(er) tarwen en(de) iiii(½) mudde(n) rox erf(lijke) pachts tsamen/ ghetaxeert op ix mudden rox ende van x schillinghe bone lviii cap(uyne) outs/ chijs die de voirs(creven) verweerd(er)s met hue(re)n medeplichte(re)n hadden op zeke(re) div(er)se/ pande te dorne ende te bevekem gheleghe(n) De welke erfpachte en(de) erfchijse/ de voirs(creven) jan van winxele seyde dat hem de voirs(creven) joffr(ouwe) vriendelijne ter/ p(rese)ncien van meest(er) augustine dueghdelijke v(er)cocht hadde elck mudde vande(n)/ graine voe(r) ende o(m)me xx pet(er)s xviii stuv(er)s den pet(er) gherekent ende/ de voirg(eruerde) erfchijse ende cap(uyne) elken pe(n)ninck van dien voir xviii ghelijker/ pe(n)ninghe(n) te weten(e) elken cap(uyn) voir iiii(½) pl(a)c(ken) brabants paym(en)ts gherekent/ Met sulker vurw(er)den dair inne besproken yerst te weten(e) dat de voirs(creven) joffr(ouwe)/ vriendelijne met janne hue(re)n zone ende met meest(er) augustine hem behoirlijke/ guedinghe doen souden ende behouden dat den selven janne van winxele/ dair inne ten afslaghe come(n) souden hond(er)t vijff rinssche gulden(en) die hij/ aen h(ere)n jacope uuten lyeminghen rydde(r) betaelt hadde van acht(er)stelligher/ renten verloepen opde goede vanden royeele It(em) noch viii rinssche gul(denen) die/ hij meest(er) augustine ghegeve(n) hadde It(em) tverlet van xii rijd(er)s erf(lic) dwelc/ de voirs(creven) jan seyde hem te hebben(e) ende tacht(er) te zijne van vi jairen welke/ voirg(eruerde) pointen de voirs(creven) jan bode te thonen Dair af de voirs(creven) meester/ augustijn ghenoech kennen(de) de comescap gheschiet te zijne mair ontkennen(de)/ die gheschiet te zijne op alle alsulken vurw(er)den als jan van winxele/ voirgheruert hadde bieden(de) dat oic te thonen(e) Soe dat ten uut(er)sten/ nae aensprake verantw(er)den en(de) thonisse van beyden p(ar)tijen vonnislijken
//
ghewijst es dat de voirs(creven) meest(er) augustijn van nethenen/ met joffrouwen vriendelijnen ende [ja(n)ne] hue(re)n zone voirs(creven) ghehouden/ zullen sijn den voirs(creven) janne van winxele behoirlijke guedinghe/ te doene dair ende soe dat behoirt van iiii mudden en(de) vi halst(er)/ t(ar)wen en(de) iiii(½) mudden rox erflijke pachts tsamen ghetaxeert op/ ix mudden rox en(de) van x schillinghe bon(e) ende lviii cap(uyne) erfs chijs/ op zeke(re) pande gheleghe(n) te doerne ende te bevekem ende voir elck/ mudde vanden grayne te betalen(e) xx pet(er)s te xviii stuv(er)s elke(n) pet(er) gereke(n)t/ ende voir elken pe(n)ningk vanden chijse ende cap(uyne) xviii pe(n)ninghen/ den capuyn voir iiii(½) pl(a)c(ken) brabants gherekent mair oft men myn/ oft meer capuyne oft chijs bevonde dat myn soude janne(n) afslaen/ ende dat meer soude hij betalen Behoudelijken dat hier inne/ den voirscr(even) janne van winxele ten afslage comen zullen de hond(er)t/ vijff rinssche gul(denen) voirs(creven) aen h(er) jacope uuten lyeminghen rydde(r)/ betaelt viii rinssche gulden(en) aen meest(er) augustine voirs(creven) betaelt/ ende sijn dueghdelick ende ghewarich verlet vanden xii rijd(er)s/ voirscr(even) Behoudelick der voirs(creven) joffrouwen vriendelijnen janne(n)/ hue(re)n zone ende meester augustine ende ande(re)n den voirscr(even) goide(n)/ eeve(n) nae sijnde huer quijten bynnen drie jairen naestcomen(de)/ cor(am) roelofs meld(er)t borchove(n) berghe nausnide(re) hoeve(n) vyncke/ junii vi[ta]